9 outubro na 2024 na, danhimiꞌuptsãtãdzé Fundo Mundial para a Natureza (World Wildlife Fund) na ĩtsitsi ma tô tsihötö niha na aꞌuwẽ norĩ höimanadzé te te ĩroꞌwaꞌrutudzém na abadze höimanadzé. Ĩtsihötödzéb dzarina, “50 na ãma wahu mono ré (1970 hawi 2020 u) abadze ubumro da te ĩꞌmadöꞌö dzaꞌra hã ma tô tsina tsuru 73% na. . . . 5 wahu nhanaꞌremhã ĩwairébédzé te dza höiꞌré dzaꞌra niha na Tiꞌai ãma dahöimanadzém na aptoꞌoré wab da.”

 Daꞌahö na te tahötöꞌö petse dzaꞌra ni taha na. E marĩ wa. Tiꞌa hã wama tsawi dzaꞌra di duré wama ꞌru dzaꞌra di abadze norĩ te te ĩrobdzépata dzaꞌra dzé hã. Ãne wa rotsaꞌrata dzaꞌra ni Ropotoꞌwa te te ĩwapoto dzaꞌra na abadze norĩ wa te ꞌmadöꞌö wẽ dzaꞌra da. — Gênesis 1:27, 28; Provérbios 12:10.

 E abadze norĩ ꞌwawi watsimapa waihuꞌu petse dzaꞌra di. E marĩ Ropotoꞌwai mreme te tinha taha na.

 Watsiwatsutu dzaꞌra nherẽ, ropire abadze höimanadzéb ãma wa te uprotsi waihuꞌu dzaꞌra õ di. Tadzahã, Ropotoꞌwai ma waihuꞌu petse di! Bíblia ma tô watsuꞌu tsiro Apocalipse 11:18 na bödö ĩwa ĩwitsi na hã dza Ropotoꞌwa ‘tiꞌai ãma da te ꞌre ĩrowatsété dzaꞌra mono norĩ hã uprotsi da.’ Ãhã romnhihötö norĩ te wama höiꞌré dzaꞌra marĩ maparane:

1.  1. Ropotoꞌwa te te dama tsaꞌré dzaꞌra õ di Tiꞌa hã da te uprotsi petse dzaꞌra da.

2.  2. Romhutu na Ropotoꞌwa hã marĩ te dza ꞌmanha ãhã ropire te te uprotsi da. E marĩ dzarina wama waihuꞌu petse dzaꞌra di taha na. Ãhãna hã te aré uprotsi petse dzaꞌra ni uburé abadze norĩ Tiꞌai ãma. Duréi hã tahã niwa watobro õ di.

 E niha Ropotoꞌwa te dza uprotsi ãhã ropire. Ĩtsimirobꞌrudzém hawi, höiwa ãma ĩhöimana hã, te dza roti uburé Tiꞌai ãma. (Mateus 6:10) Ĩtsimirobꞌrudzé te dza rowahutu dzaꞌra ĩpoꞌre petse norĩ ma abadze norĩ ꞌwawi ꞌre tsimapa dzaꞌra mono da Tiꞌai ãma. — Isaías 11:9 TNM.