INDLELA YOKUPHILA YAMAKRIST
Umhlaba “Wawuginya Umlambo”
Amaxesha amaninzi kudala, abantu abasemagunyeni babebanceda abantu bakaYehova. (Ezr 6:1-12; Est 8:10-13) Nakule mihla, siye sawubona “umhlaba”—amanye amagunya ehlabathi aye agweba ngokufanelekileyo—uginya “umlambo” wentshuntshiso obangelwa ‘yinamba,’ uSathana uMtyholi. (ISi 12:16) UYehova, ‘uThixo osisindisayo’, ngamanye amaxesha usebenzisa abantu abalawulayo ukuze asincede.—Nd 68:20; IMi 21:1.
Ukuba uvalelwe entolongweni ngenxa yokholo lwakho, ungaze uthandabuze ukuba uYehova unawe. (Gen 39:21-23; Nd 105:17-20) Qiniseka ngento yokuba uza kuvuzwa ngenxa yokholo lwakho kwaye ukuthembeka kwakho kuyabakhuthaza abazalwana ehlabathini lonke.—Fil 1:12-14; ISi 2:10.
BUKELA IVIDIYO ETHI, BAKHULULWE ENTOLONGWENI ABAZALWANA BASEKOREA, UZE UPHENDULE LE MIBUZO:
-
Kwakutheni ukuze kule minyaka idlulileyo abazalwana abaninzi baseSouth Korea bavalelwe entolongweni?
-
Inkundla iye yagweba njani ukuze abanye abazalwana bakhululwe ngaphambi kwexesha?
-
Singabanceda njani abazalwana bethu ehlabathini lonke abavalelwe ngenxa yokholo lwabo?
-
Sinokuyisebenzisa njani inkululeko esinayo ngoku?
-
Uzuko lumele luye kubani xa siye saphumelela enkundleni?
Ndiyisebenzisa njani eyam inkululeko?
