Ukuba ungumvakalisi ongabhaptizwanga oselula okanye usaqhutyelwa isifundo seBhayibhile, ngaba uzimisele ukubhaptizwa? Kutheni kufuneka ukufune ukubhaptizwa? Ukuzinikela nokubhaptizwa kwenza sikwazi ukuba nobuhlobo obukhethekileyo noYehova. (Nd 91:1) Ezi zinto zisinceda sikwazi ukuba nethuba lokusindiswa. (1Pe 3:21) Ungenza njani ukuze ukwazi ukufikelela apha?

Zibonele ngokwakho ukuba lena yinyaniso. Xa unemibuzo, phanda. (Rom 12:2) Jonga ukuba ziintoni ekufuneka uzitshintshe, uze uqinisekise ukuba utshintsha kuba ufuna ukuvuyisa intliziyo kaYehova. (IMi 27:11; Efe 4:23, 24) Thandaza kuYehova umcele ukuba akuncede. Qiniseka ukuba uza kukuqinisa aze akomeleze esebenzisa umoya wakhe oyingcwele. (1Pe 5:10, 11) Asoze uzisole ngezinto ozenzayo. Ukukhonza uYehova yeyona ndlela ibhetele yokuphila ubomi!​—Nd 16:11.

BUKELA IVIDIYO ETHI BABEZIMISELE UKUBHAPTIZWA, UZE UPHENDULE LE MIBUZO:

• Zeziphi iingxaki ekwafuneka badlule kuzo abanye ngaphambi kokuba babhaptizwe?

• Yintoni ekufuneka uyenze ukuze ube nokholo oluza kukwenza uzinikele kuYehova?

• Bancedwe yintoni abanye ukuze bakufanelekele ukubhaptizwa?

• UYehova ubasikelela njani abo bakhetha ukumkhonza?

• Kuthetha ukuthini ukuzinikela nokubhaptizwa?