Umhlobo “ngumntu onamathele komnye kuba emthanda okanye emhlonela.” Ngokomzekelo, uYonatan noDavide babangabahlobo abasondeleyo emva kokuba uDavide ebulele uGoliyati. (1Sa 18:1) Bobabini babonisa iimpawu ezabenza bafuna ukuba ngabahlobo. Ngoko ukuze abantu babe ngabahlobo abasondeleyo kufuneka bazane nyhani. Kuthatha ixesha ibe kufuneka usebenze nzima ukuze umazi omnye umntu. Kodwa ke, kwiiwebhsayithi zokuncokola abantu bangaba “ngabahlobo” ngokucofa nje iqhosha elinye. Le nto iyenzeka kuba abantu kwiiwebhsayithi zokuncokola bayakwazi ukuyilungiselela into abaza kuyithetha nendlela abafuna abantu babajonge ngayo ngoko kulula ukuba bazifihle into abayiyo. Ngenxa yaloo nto, kubalulekile ukwenza isigqibo sokuba ‘ngabantu abanjani oza kubamkela njengabahlobo bakho’ kwiiwebhsayithi zokuncokola. Ukuba umntu ongamaziyo ucela ukuba ngumhlobo wakho kwiiwebhsayithi zokuncokola, sukuba neentloni zokungavumi kuba ungafuni ukumvisa kabuhlungu. Abanye baye bakhetha ukungazisebenzisi ezi webhsayithi zokuncokola kuba bengafuni ezi ngxaki. Kodwa ukuba ukhetha ukuzisebenzisa iiwebhsayithi zokuncokola yintoni omele ucinge ngayo?

BUKELA IVIDIYO ETHI ZISEBENZISE KAKUHLE IIWEBHSAYITHI ZOKUNCOKOLA, UZE UPHENDULE LE MIBUZO:

• Yintoni ofanele ucinge ngayo ngaphambi kokufaka izinto ozicingayo nemifanekiso kwiiwebhsayithi zokuncokola?

• Kutheni ufanele ubakhethe kakuhle abahlobo kwiiwebhsayithi zokuncokola?

• Kutheni ufanele uzibekele ixesha ongazukudlula kulo xa usebenzisa iiwebhsayithi zokuncokola?—Efe 5:15, 16