Njengoko isiphelo sisondela, silindele ukuba iimfazwe, ukulwa kwamaqela elizwe elinye, kunye namazwe asebenzisa ubundlobongela ukuze oyikise amanye kube kuninzi. (ISi 6:4) Singenza ntoni ukuze sizilungiselele iingxaki ezizayo?

• Qiniseka ukuba ukulungele ukuhlala uthembekile: Jonga imigaqo namabali aseBhayibhileni aza kukunceda uthembe uYehova nentlangano yakhe kakhulu kunakuqala aze akuncede uhlale ungathathi cala. (IMi 12:5; jr 125-126 ¶23-24) Ngoku lixesha lokuba sakhe ubuhlobo obuqinileyo kunye nabo basebandleni.​—1Pe 4:7, 8

• Qiniseka ukuba unazo izinto ozidingayo ukuze uhlale usempilweni ibe uphilile: Ceba indlela oza kwenza ngayo ukuze ube nezinto ezaneleyo oza kuzidinga ukuba kufuneka uhlale endlini yakho. Yiba nalo necebo lento oza kuyenza xa kufuneka uhambe. Jonga izinto ezikwi-go bag uze ufake imali nezinto onokuzisebenzisa ukuze uzikhusele. Yiba neenombolo zeefowuni zabadala uze uqiniseke ukuba nabo banayo eyakho.​—Isa 32:2; g17.5 3-7

Xa kukho imfazwe, qhubeka usenza izinto obudla ngokuzenza ukuze ukhonze uYehova, njengokuthandaza, ukufundisisa nokuya kwiintlanganiso. (Fil 1:10) Hlala endlini ngaphandle kokuba kuyimfuneko ukuba uphume. (Mat 10:16) Bancede abanye ngokutya, nezinye izinto onazo.​—Rom 12:13.

BUKELA IVIDIYO ETHI NGABA SOWUYILUNGISELELE INTLEKELE? UZE UPHENDULE LE MIBUZO:

• UYehova angasinceda njani xa kukho intlekele?

• Zeziphi izinto esinokuzenza ukuze silungiselele intlekele?

• Singabanceda njani abo behlelwe yintlekele?