Ukuze imbaleki ihlale isemandleni kufuneka iqhubeke iqeqesha umzimba wayo. Ngokufanayo, nathi kufuneka sizimisele ukuziqeqesha ukuze sikwazi ukwahlula phakathi kwento elungileyo nembi. (Heb 5:14) Nangona kusenokuba lula ukulinganisa izigqibo ezenziwa ngabanye, sifanele sifunde ukuzenzela ezethu izigqibo. Ngoba? Kuba sonke siza kuziphendulela ngezigqibo esizenzayo.​—Rom 14:12.

Ukuba neminyaka emininzi sibhaptiziwe akuthethi ukuba siza kusoloko sisenza izigqibo ezilungileyo. Kufuneka sithembele kuYehova, iLizwi lakhe, nentlangano yakhe ukuze senze izigqibo zobulumko.​—Yos 1:7, 8; IMi 3:5, 6; Mat 24:45.

BUKELA IVIDIYO ETHI “HLALA UNESAZELA ESILUNGILEYO,” UZE UPHENDULE LE MIBUZO:

• Sesiphi isigqibo ekwakufuneka uEmma asenze?

• Kutheni kufuneka sikulumkele ukuthetha into esiyicingayo ngezinto abantu ekufuneka bazigqibele ngokwabo kuzo?

• Omnye umzalwana nenkosikazi yakhe bamcebisa njani uEmma?

• UEmma wawafumana phi amanye amacebiso awayeza kumnceda kwimeko awayekuyo?