Imitshato yamaKristu ephumelelayo izukisa uYehova, ize indoda nomfazi bonwabe. (Mar 10:9) Ukuze amaKristu abe nomtshato ohlala uhleli nowonwabisayo, kufuneka asebenzise imigaqo yeBhayibhile xa ekhetha umntu aza kumtshata.

Thandana kuphela xa sele ‘umdala ngokwaneleyo,’ kuba xa iimvakalelo zesondo zisenamandla kunganzima ukuba ukhethe kakuhle. (1Ko 7:36) Sebenzisa ixesha laxa ungekathandani ukuze womeleze ubuhlobo bakho noThixo uze uvelise iimpawu ezintle zobuKristu. Ukuba wenza loo nto uza kukwazi ukwenza umtshato wakho uphumelele.

Ngaphambi kokuba uvume ukutshata umntu, thatha ixesha elaneleyo ukuze ‘ubone indlela ayiyo entliziyweni.’ (1Pe 3:4) Ukuba kukho ukungaqiniseki, thetha ngako nalo mntu uthandana naye. Njengoko sisenza kwabanye abantu, emtshatweni eyona nto ibalulekileyo yinto esinokuyenzela loo mntu sitshate naye ngaphezu kwento esinokuyifumana. (Fil 2:3, 4) Ukuba usebenzisa imigaqo yeBhayibhile ngaphambi kokuba utshate, kuza kuba lula ukuba uyisebenzise naxa sele utshatile ize loo nto yenze wonwabe emtshatweni.

BUKELA IVIDIYO ETHI UKULUNGISELELA UMTSHATO—INXALENYE 3: “BALA IINDLEKO,” UZE UPHENDULE LE MIBUZO:

• Zazinjani izinto ekuqaleni phakathi kwalo dade noShane?

• Lo dade waqaphela ntoni xa waqalisa ukumazi bhetele?

• Abazali bakhe bamnceda njani ibe sesiphi isigqibo sobulumko awasenzayo?