Nge-27 kaJanuwari 2023, kuza kuba luSuku Lokukhumbula Abantu Ababulawa NgamaNazi ibe abantu abaninzi emhlabeni baza kudibana. Izinto ezibuhlungu ezenzeka kwiminyaka engaphezu kweyi-75 eyadlulayo, zinokukwenza uzibuze ukuba, kwakutheni ukuze uThixo avumele kubulawe abantu abaninzi kangaka.

•   Ukuze wazi ukuba ithini iBhayibhile, funda inqaku elithi “Kwakutheni Ukuze AmaYuda Abulawe Ngenkohlakalo? Kwakutheni Ukuze UThixo Angakuyekisi?”

 AmaYuda ayephethwe kakubi kakhulu kuba ayebulawa ngamaNazi. Kwakucetywa ukuba iimiliyoni zabantu ziza kubulawa njani. Nabantu ababengengomaYuda babephathwa kakubi baze babulawe ngelo xesha. Abanye babo yayingamaNgqina kaYehova awayephathwa kakubi ngenxa yezinto azikholelwayo ezisuka eBhayibhileni.

•   Ukuze ufunde nezinye izinto, funda inqaku elithi “Kwenzeka Ntoni KumaNgqina KaYehova Xa AmaNazi Ayebulala Abantu?”

 Abantu abaninzi banexhala lokuba kusenokuphinda kwenzeke into efana naleyo yenziwa ngamaNazi. Kodwa eyona nto ivuyisayo kukuba, iBhayibhile ithi kuza ixesha apho izinto ezibuhlungu ngolo hlobo zingazukuphinda zenzeke.

•   “‘Kuba mna ndizazi kakuhle izinto endizicingayo ngani,’ utsho uYehova, ‘ndicinga ngoxolo, kungekhona intlekele, ukuze ndininike ithemba nekamva.’”—Yeremiya 29:11. a

 Eli themba liza kwenzeka xa uYehova uThixo ephelisa zonke izinto ezimbi aze alungise umonakalo owenzekileyo. Kungekudala:

•   Uza kutshabalalisa bonke abantu abaphatha kakubi abanye ngabom.—IMizekeliso 2:22.

•   Uza kuphilisa bonke abo baye behlelwa zizinto ezibuhlungu.—ISityhilelo 21:4.

•   Uza kuvusela emhlabeni bonke abantu abaswelekileyo.—Yohane 5:28, 29.

 Eli themba lithuthuzelayo liseBhayibhileni, unokulithemba. Ukuze ubone ukuba kutheni sisitsho, siyakumema ukuba ufunde nathi iBhayibhile. Awuzukubhatala.