Hezekile 2:1-10
2 Waza wathi kum: “Nyana womntu,+ yima ngeenyawo zakho ukuze ndithethe nawe.”+
2 Kwangena ke kum umoya kamsinya nje akuba ethethile kum,+ yaye ekugqibeleni wandenza ndema ngeenyawo zam ukuze ndimve Lowo uthetha kum.+
3 Waza wahlabela mgama wathi kum: “Nyana womntu, ndikuthumela koonyana bakaSirayeli,+ kwiintlanga ezinemvukelo ezindivukeleyo.+ Bona kunye nookhokho babo banxaxhile kum kwada kwayile mini.+
4 Noonyana abanobuso obusileyo+ nentliziyo elukhuni+—ndikuthumela kubo, yaye umele uthi kubo, ‘Itsho iNkosi enguMongami uYehova.’
5 Ke bona, enoba baya kuva+ okanye abayi kuva+—kuba bayindlu enemvukelo+—ngokuqinisekileyo baya kwazi ukuba bekukho umprofeti phakathi kwabo.+
6 “Wena ke, nyana womntu, musa ukuboyika;+ namazwi abo ungawoyiki, ngenxa yokuba baneenkani+ kwaye bayahlaba+ yaye uhlala phakathi koonomadudwane.+ Amazwi abo ungawoyiki,+ ungankwantyiswa nabubuso babo,+ kuba bayindlu enemvukelo.+
7 Yaye umele uwathethe amazwi am kubo, enoba bayeva okanye abeva, kuba banemvukelo.+
8 “Wena ke, nyana womntu, yiva endikuthethayo kuwe. Ungabi nemvukelo njengendlu enemvukelo.+ Vula umlomo wakho uze utye oko ndikunika kona.”+
9 Ndaza ndabona, khangela! naso isandla solulelwe kum,+ yaye, khangela! kuso kwakukho umqulu wencwadi.+
10 Wayitwabulula phambi kwam, kwaye yayibhaliwe ngaphambili nangasemva;+ kwakubhalwe kuyo izimbonono nokudumzela nezijwili.+
