Hoseya 12:1-14
12 “UEfrayim udla umoya+ yaye usukela umoya wasempuma imini yonke.+ Wandisa ukuxoka nokuphanga.+ Yaye wenza umnqophiso neAsiriya,+ kusiwa ioli eYiputa.
2 “UYehova umbek’ ityala uYuda,+ kwanoYakobi uyamphendulisa ngeendlela zakhe;+ uya kumbuyekeza ngokwezenzo zakhe.+
3 Esiswini wambamba umntakwabo ngesithende,+ yaye ngamandla akhe amakhulu wasukuzana noThixo.+
4 Yaye waqhubeka esukuzana nengelosi woyisa.+ Walila, ukuze azicelele ubabalo.”+
EBheteli wamfumana,+ yaye kulapho waqalisa ukuthetha nathi.+
5 Yaye uYehova uTHIXO wemikhosi,+ uYehova sisikhumbuzo sakhe.+
6 “Wena ke, ufanele ubuyele kuThixo wakho,+ ugcine ububele bothando+ nokusesikweni;+ yaye hlala uthembele kuThixo wakho rhoqo.+
7 Ngokubhekisele kumrhwebi, esandleni sakhe kukho isikali senkohliso;+ ukuqhatha koko akuthandileyo.+
8 UEfrayim uthi, ‘Eneneni, ndibe sisityebi;+ ndizifumanele izinto ezixabisekileyo.+ Ke ekubulalekeni kwam konke, akukho siphoso sisisono baya kusifumana.’+
9 “Kodwa ndinguYehova uThixo wakho kwasezweni laseYiputa.+ Kanti ndiya kukwenza uhlale kwiintente njengakwimihla yexesha elimisiweyo.
10 Yaye ndathetha nabaprofeti,+ nemibono ndayandisa, yaye ngesandla sabaprofeti ndaqhubeka ndizekelisa.+
11 “IGiliyadi yenze okungaqhelekanga,+ ayenzanga nyaniso.+ EGiligali babingelele kwanangeenkunzi zeenkomo.+ Ngaphezu koko, imibingelelo yabo injengemfumba yamatye kwimijelo yasendle.+
12 UYakobi wabaleka waya kwintsimi yaseSiriya,+ uSirayeli+ wakhonza ngenxa yomfazi,+ yaye ngenxa yomfazi walusa izimvu.+
13 Yaye ngomprofeti uYehova wamnyusa eYiputa uSirayeli,+ yaye ngomprofeti walindwa.+
14 UEfrayim wamcaphukisa ngokukrakra,+ yaye izenzo zakhe zophalazo-gazi uzishiya kuye,+ yaye iNkosi yakhe Ezukileyo iya kumbuyekeza ngongcikivo lwakhe.”+
