Yobhi 36:1-33
36 Waza wahlabela mgama uElihu wathi:
2 “Khawube nomonde kum okwethutyana, yaye ndiya kuvakalisa kuweUkuba kusekho amazwi endinokuwathetha ngoThixo.
3 Ndiya kulususa kude ulwazi lwam,Yaye ndiya kububalela kuMenzi wam ubulungisa.+
4 Kuba enyanisweni amazwi am akabobuxoki;Yaye Lowo ugqibeleleyo ngolwazi+ unawe.
5 Khangela! UThixo unamandla+ yaye akayi kugatya;Unamandla entliziyo;
6 Akayi kumgcina ephila nabani na ongendawo,+Kodwa uya kuwunikela umgwebo wabo baxhwalekileyo.+
7 Akayi kuwasusa amehlo akhe nakubani na olilungisa;+Kwanookumkani abasetroneni+—Kwakhona uya kubahlalisa ngonaphakade, yaye baya kuphakanyiswa.
8 Yaye ukuba babotshwe ngamakhamandela,+Bathinjwa ngeentsontelo zenkxwaleko.
9 Uya kwandula ke abaxelele ngendlela abenza ngayoNokunxaxha kwabo, ngenxa yokuba bazenza abongamileyo.
10 Yaye indlebe yabo uya kuyityhila kwizibongozo,+Aze athi bafanele babuye koko kwenzakalisayo.+
11 Ukuba bayathobela bakhonze,Imihla yabo baya kuyigqibela kokulungileyoNeminyaka yabo ebumnandini.+
12 Kodwa ukuba abathobeli, baya kudlula+ nangomjukujelwa,+Yaye baya kubhubha bengenalwazi.
13 Abo baneentliziyo eziwexukileyo baya kubeka umsindo.+Abafanele bakhalele uncedo ngenxa yokuba ubabophile.
14 Umphefumlo wabo uya kufa ebutsheni,+Nobomi babo phakathi kwamahenyu asetempileni.+
15 Uya kumhlangula oxhwalekileyo kwinkxwaleko yakhe,Yaye uya kuyityhila indlebe yabo kwingcinezelo.
16 Ngokuqinisekileyo uya kukukhulula emlonyeni wokubandezeleka!+Endaweni yako kuya kuba yindawo ebanzi,+ kungekhona ecuthekileyo,Yaye intuthuzelo yetafile yakho iya kuzala kukutyeba.+
17 Ngokuqinisekileyo uya kuzaliswa sisigwebo kulowo ungendawo;+Kuya kuma isigwebo nokusesikweni.
18 Kuba lumka umsindo+ ungakulukuhleli ekuqhwabeni izandla ngolunya,Yaye ungavumeli intlawulelo enkulu+ ikulahlekise.
19 Ngaba ukukhalela kwakho uncedo kuya kuba luncedo?+ Hayi, akuyi kuba lulo nasekubandezelekeniKwanayo yonke imigudu yakho yamandla.+
20 Musa ukubulangazelela ubusuku,Ukuba izizwana zibuye umva endaweni ezikuyo.
21 Zilinde ukuba ungaguqukeli koko kwenzakalisayo,+Kuba unyule oku kunenkxwaleko.+
22 Khangela! UThixo wenza izenzo eziphakamileyo ngamandla akhe;Ngubani na umyaleli onjengaye?
23 Ngubani omphendulisayo ngendlela yakhe,+Yaye ngubani othe, ‘Wenze intswela-bulungisa’?+
24 Khumbula ukuba ufanele uwenze mkhulu umsebenzi wakhe+Lowo amadoda aye avuma ngawo.+
25 Lonke uluntu luwondele;Umntu ofayo uqhubeka ekhangela ekude.+
26 Yabona! UThixo uphakame ngakumbi kunokuba sinokwazi;+Inani leminyaka yakhe alinakugocagocwa.+
27 Kuba uwatsala anyuke amathontsi amanzi;+Ahluzeka njengemvula ukwenzela inkungu yakhe,
28 Ukuze amafu athontsize,+Avuzela eluntwini kakhulu.
29 Eneneni, ngubani onokuziqonda iingcamba zamafu,Izithonga eziphuma emnqubeni wakhe?+
30 Khangela! Ukukhanya kwakhe ukwaneke phezu kwawo,+Neengcambu zolwandle uzigubungele.
31 Kuba ngazo ugweba ityala lezizwana;+Unikela intabalala yokutya.+
32 Ezandleni zakhe ugubungela umbane,Yaye ubeka umyalelo nxamnye nomhlaseli.+
33 Ukugquma+ kwakhe kuxela ngaye,Kwanemfuyo ngokuphathelele lowo uzayo.
