Eyokuqala YeziKronike 15:1-29
15 Waqhubeka ezakhela izindlu kwisiXeko SikaDavide, wayilungiselela indawo iTyeya yoThixo wokwenene waza wayakhela intente.+
2 Ngelo xesha uDavide wathi: “Akukho mntu omele athwale iTyeya yoThixo wokwenene ngaphandle kwabaLevi, kuba uYehova ukhethe bona ukuba bathwale iTyeya kaYehova baze bahlale bemsebenzela.”+
3 Emva koko uDavide wamhlanganisela eYerusalem wonke uSirayeli, ukuze azise iTyeya kaYehova endaweni awayeyilungiselele yona.+
4 UDavide waqokelela inzala ka-Aron+ nabaLevi:+
5 kumaKohati yayingu-Uriyeli intloko, nabantakwabo abayi-120,
6 kumaMerari yayinguAsaya+ intloko, nabantakwabo abayi-220,
7 kumaGershom yayinguYoweli+ intloko, nabantakwabo abayi-130,
8 kwinzala kaElitsafan+ yayinguShemaya intloko, nabantakwabo abayi-200,
9 kwinzala kaHebron yayinguEliyeli intloko, nabantakwabo abayi-80,
10 kwinzala kaUziyeli+ yayinguAminadabhi intloko, nabantakwabo abayi-112.
11 Ngaphezu koko, uDavide wabiza ababingeleli uTsadoki+ noAbhiyatare,+ nabaLevi u-Uriyeli, uAsaya uYoweli, uShemaya, uEliyeli noAminadabhi,
12 wathi kubo: “Niziintloko zezindlu zootata babaLevi. Zenzeni nibe ngcwele, nina nabantakwenu, nizise iTyeya kaYehova uThixo kaSirayeli kwindawo endiyilungiselele yona.
13 Ekubeni ningazange niyithwale ekuqaleni,+ uYehova waba nomsindo omkhulu,+ kuba zange senze izinto ngendlela yakhe.”+
14 Bazingcwalisa ke ababingeleli nabaLevi ukuze banyuse iTyeya kaYehova uThixo kaSirayeli.
15 Emva koko abaLevi bayithwala emagxeni ngeepali+ iTyeya yoThixo wokwenene, kanye njengokuba uMoses wayetshilo ethunywe nguYehova.
16 UDavide waxelela iintloko zabaLevi ukuba zimise abantakwazo abaziimvumi ukuba bacule bevuya, kudlalwe nezixhobo zomculo: imirhubhe, iihadi+ namacangci.+
17 Ngoko abaLevi bakhetha uHeman+ unyana kaYoweli yaye kubantakwabo bakhetha uAsafu+ unyana kaBherekiya, ibe kumaMerari abantakwabo bakhetha uEtan+ unyana kaKushaya.
18 Abanye ababekunye nabo yayingabantakwabo besahlulo sesibini,+ uZekariya, uBhen, uYahaziyeli, uShemiramoti, uYehiyele, u-Uni, uEliyabhi, uBhenaya, uMahaseya, uMatitiya, uElifelehu, uMikeneya no-Obhedi-edom noYeyeli oonogada basegeyithini.
19 Iimvumi uHeman,+ uAsafu+ noEtan babeza kukhalisa amacangci ekopolo,+
20 uZekariya, uAziyeli, uShemiramoti, uYehiyele, u-Uni, uEliyabhi, uMahaseya noBhenaya badlala imirhubhe ngenowuthi yeAlamoti,*+
21 uMatitiya,+ uElifelehu, uMikeneya, uObhedi-edom, uYeyeli noAzaziya badlala iihadi ngenowuthi yeSheminiti,*+ ukuze babhexeshe.
22 UKenaniya+ intloko yabaLevi walathisa ekuthwalweni kwetyeya, kuba wayeyincutshe.
23 UBherekiya noElikana babegade iTyeya.
24 Ababingeleli uShebhaniya, uYoshafati, uNetaneli, uAmasayi, uZekariya, uBhenaya noEliyezere bawakhalisela phezulu amaxilongo phambi kweTyeya yoThixo wokwenene.+ UObhedi-edom noYehiya nabo babegade iTyeya.
25 UDavide, abadala bakwaSirayeli neentloko zamawaka bahamba beyokuthatha ityeya yesivumelwano* kaYehova endlini kaObhedi-edom+ bevuya.+
26 Xa uThixo wokwenene wanceda abaLevi ababethwele ityeya yesivumelwano* kaYehova, babingelela ngamathole eenkomo aziinkunzi asixhenxe neenkunzi zeegusha ezisixhenxe.+
27 UDavide wayenxibe isambatho esingenamikhono selaphu lodidi, ngokunjalo nabaLevi ababethwele iTyeya, iimvumi, uKenaniya intloko yabo bathwala ityeya kunye neemvumi. UDavide wayenxibe ne-efodi yelinen.+
28 Onke amaSirayeli ayenyusa ityeya yesivumelwano* kaYehova ekhwaza evuya,+ ekhalisa uphondo, amaxilongo,+ amacangci, eyikhalisela phezulu imirhubhe neehadi.+
29 Kodwa yathi xa ifika ityeya yesivumelwano* kaYehova kwisiXeko SikaDavide,+ uMikali+ intombi kaSawule wakroba ngefestile, wajonga ezantsi wabona uKumkani uDavide etsiba-tsiba ebhiyoza, waza wamdelela entliziyweni yakhe.+
Umbhalo osemazantsi
^ Funda Ingcaciso Yamagama.
^ Funda Ingcaciso Yamagama.
^ Okanye “yomnqophiso.”
^ Okanye “yomnqophiso.”
^ Okanye “yomnqophiso.”
^ Okanye “yomnqophiso.”