Eyokuqala YeziKronike 16:1-43
16 Ngoko bayingenisa ngaphakathi iTyeya kaThixo wokwenene, bayibeka endaweni yayo, kwintente uDavide awayeyimisele yona.+ Benzela uThixo wokwenene iminikelo etshiswayo nemibingelelo yobuhlobo.+
2 Akugqiba ukunikela iminikelo etshiswayo+ nemibingelelo yobuhlobo,+ wabasikelela abantu egameni likaYehova.
3 Wanika indoda nomfazi ngamnye, kuwo onke amaSirayeli, isonka esirawundi, isonka seedatilisi nesonka seerasintyisi.
4 Emva koko wamisela abathile kubaLevi ukuba basebenze phambi kweTyeya kaYehova,+ ukuba bazukise,* babulele baze badumise uYehova uThixo kaSirayeli.
5 UAsafu+ wayeyintloko, owesibini inguZekariya. UYeyeli,+ uShemiramoti, uYehiyele, uMatitiya, uEliyabhi, uBhenaya, uObhedi-edom noYeyeli babedlala imirhubhe neehadi;+ uAsafu wayekhalisa amacangci,+
6 yena uBhenaya noYahaziyeli ababingeleli, babesoloko bevuthela amaxilongo phambi kwetyeya yesivumelwano* kaThixo wokwenene.
7 UDavide wayeqala ngaloo mini ukuqamba ingoma yokubulela uYehova waza wayalela uAsafu+ nabantakwabo ukuba bayicule bathi:
8 “Bulelani kuYehova,+ bizani egameni lakhe,Xelelani izizwana ngezinto azenzileyo!+
9 Mculeleni, mdumiseni ngeengoma,+Cingisisani* ngayo yonke imisebenzi yakhe emangalisayo.+
10 Qhayisani ngegama lakhe elingcwele.+
Mazivuye iintliziyo zabo bafuna uYehova.+
11 Funani uYehova+ namandla akhe.
Hlalani nibufuna ubuso* bakhe.+
12 Khumbulani izenzo zakhe ezimangalisayo,+Imimangaliso yakhe nokugweba kwakhe,
13 Nina nzala* kaSirayeli umkhonzi wakhe,+Nina bonyana bakaYakobi, abakhethiweyo bakhe.+
14 NguYehova, uThixo wethu.+
Ugweba umhlaba wonke.+
15 Sikhumbuleni ngonaphakade isivumelwano sakhe,Isithembiso awasenza* kwizizukulwana eziliwaka,+
16 Isivumelwano awasenza noAbraham,+Nesifungo awasifungela uIsake,+
17 Eso wasimisela saba sisigwebo kuYakobi+Nesivumelwano esiza kuhlala sihleli kuSirayeli,
18 Esithi, ‘Ndiza kukunika ilizwe laseKanan+Libe lilifa lakho.’+
19 Ngelo xesha nanimbalwa,Nanimbalwa kakhulu, ibe ningabantu basemzini kwelo lizwe.+
20 Babehamba-hamba kwiintlanga ngeentlanga,Besuka kobunye ubukumkani baye kwesinye isizwana.+
21 Zange avumele namnye umntu abacinezele,+Kodwa wakhalimela ookumkani ngenxa yabo,+
22 Esithi, ‘Ningabachukumisi abantu bam endibakhethileyo,Ningenzi izinto ezimbi nakubaprofeti bam.’+
23 Mculeleni uYehova, nonke nina basemhlabeni!
Thethani ngendlela asindisa ngayo usuku nosuku!+
24 Thethani ngozuko lwakhe phakathi kweentlanga,Ngemisebenzi yakhe emangalisayo phakathi kwezizwana zonke.
25 Kuba uYehova mkhulu yaye ngoyena ofanelwe kukudunyiswa.
Woyikeka ngaphezu kwabo bonke abanye oothixo.+
26 Bonke oothixo bezizwana abanaxabiso,+Kodwa yena uYehova wenze amazulu.+
27 Apho akhoyo kukho ubukhulu* nozuko,+Kukho amandla novuyo kwindawo yakhe yokuhlala.+
28 Mzukiseni uYehova, nina zintsapho zezizwana,Mzukiseni uYehova ngenxa yozuko namandla akhe.+
29 Mnikeni uYehova uzuko olufanele igama lakhe,+Zisani isipho nize ningene phambi kwakhe.+
Qubudani kuYehova* ninxibe iimpahla zenu ezingcwele.*+
30 Umhlaba wonke mawungcangcazele phambi kwakhe!
Umhlaba uzinzisiwe, awunakugungqiswa.*+
31 Mawavuye amazulu, mawuvuye nomhlaba,+Chazelani iintlanga nithi: ‘UYehova nguKumkani!’+
32 Malugqume ulwandle nazo zonke izinto ezikulo,Mawavuye amadlelo nazo zonke izinto ezikuwo.
33 Kwangaxeshanye mayikhwaze ivuya imithi yehlathi phambi koYehova,Kuba uyeza,* ukuze agwebe umhlaba.
34 Bulelani kuYehova, kuba ulungile,+Kuba uthando lwakhe olungagungqiyo lukho ngonaphakade.+
35 Yithini, ‘Sisindise, Thixo wosindiso lwethu,+Siqokelele uze usihlangule ezintlangeni,Ukuze sibulele igama lakho elingcwele+Size sikudumise sivuya.*+
36 Makadunyiswe uYehova, uThixo kaSirayeli,Makadunyiswe ngonaphakade.’”*
Yaye bonke abantu bathi, “Amen!”* baza bamdumisa uYehova.
37 Emva koko, uDavide washiya uAsafu+ nabantakwabo phambi kwetyeya yesivumelwano* kaYehova ukuze bahlale besebenza phambi kwayo,+ besenza izinto ezazifanele zenziwe suku ngalunye.+
38 UObhedi-edom nabantakwabo abayi-68, no-Obhedi-edom unyana kaYedutun kunye noHosa babengoonogada basegeyithini.
39 UTsadoki+ umbingeleli nabanye ababingeleli babephambi kwentente engcwele kaYehova kwindawo ephakamileyo eGibheyon+
40 ukuze banikele iminikelo etshiswayo eya kuYehova qho esibingelelweni somnikelo otshiswayo, kusasa nangokuhlwa, nokuze benze konke okubhalwe eMthethweni kaYehova awawuyalela uSirayeli.+
41 BabenoHeman noYedutun+ nawo onke amadoda akhethiweyo, awayebizwe ngamagama ukuba abulele uYehova,+ kuba “uthando lwakhe olungagungqiyo lukho ngonaphakade,”+
42 yaye babenoHeman+ noYedutun, ababemiselwe ukuba bakhalise amaxilongo, amacangci nezixhobo zokudumisa* uThixo wokwenene, ibe oonyana bakaYedutun+ babesegeyithini.
43 Emva koko abantu bagoduka waza uDavide wayokusikelela indlu yakhe.
Umbhalo osemazantsi
^ Ngokoqobo, “ukuba bakhumbule.”
^ Okanye “yomnqophiso.”
^ Okanye kusenokwenzeka, “Thethani.”
^ Okanye “ubukho.”
^ Ngokoqobo, “mbewu.”
^ Ngokoqobo, “Ilizwi awaliyalelayo.”
^ Okanye “isidima.”
^ Okanye kusenokwenzeka, “ngenxa yobukhulu bobungcwele bakhe.”
^ Okanye “Khonzani uYehova.”
^ Okanye “awunakushukunyiswa.”
^ Okanye “uzile.”
^ Okanye “sivuyiswe kukukudumisa.”
^ Okanye “ukususela ngonaphakade kuse ngonaphakade.”
^ Okanye “Makube njalo.”
^ Okanye “yomnqophiso.”
^ Okanye “nezixhobo zengoma yokudumisa.”
