Amosi 2:1-16
2 “Uthi uYehova,‘“Ngenxa yokungathobeli kathathu kukaMowabhi,+ nakane, andizukujika kuloo nto,Kuba uye watshisa amathambo kakumkani wakwaEdom aba yikalika.
2 Ngoko ndiza kuthumela umlilo kwaMowabhi, uziqwenge iinqaba ezikhuselekileyo zaseKeriyoti;+UMowabhi uza kufa ngoxa kusitsho ingxolo,Kuhlatywa umkhosi, kuvakala nesandi sophondo.+
3 Ndiza kumshenxisa umlawuli* kwaMowabhi,Ibe zonke iinkosana zakhe ndiza kuzibulala kunye nomlawuli wakhe,”+ utsho uYehova.’
4 Uthi uYehova,‘Ngenxa yokungathobeli kathathu kukaYuda,+ nakane, andizukujika kuloo nto,Ngenxa yokuba ewulahlile umthetho kaYehova,Nangenxa yokuba engayithobelanga imiyalelo yakhe;+Kodwa ulahlekiswe bubuxoki obalandelwa ngookhokho bakhe.+
5 Ndiza kuthumela umlilo kwaYuda,Uziqwenge iinqaba ezikhuselekileyo zaseYerusalem.’+
6 Uthi uYehova,‘Ngenxa yokungathobeli kathathu kukaSirayeli,+ nakane, andizukujika kuloo nto,Kuba uthengisa amalungisa ngesilivere,Namahlwempu ngexabiso leembadada.+
7 Bazixovulela eluthulini lomhlaba iintloko zabantu abasweleyo,+Nendlela yabantu abalulamileyo bayayivala.+
Umntu notata wakhe balala nentombi enye,Bengcolisa igama lam elingcwele.
8 Banaba ecaleni kwazo zonke izibingelelo+ phezu kweempahla ezithinjwe njengesibambiso;+Iwayini abayiselayo endlini* yoothixo babo ifunyenwe kwabo bababhatalisileyo.’
9 ‘Kodwa ndim owawatshabalalisayo ama-Amori phambi kwabo,+Awayemade njengemithi yomsedare, omelele njengemithi yom-oki;Ndasitshabalalisa isiqhamo sawo ngaphezulu neengcambu zawo ngaphantsi.+
10 Ndanikhupha kwilizwe laseYiputa,+Ndanihambisa entlango iminyaka eyi-40,+Ukuze nifumane umhlaba wama-Amori.
11 Abanye oonyana benu ndabenza abaprofeti,+Abanye abafana benu ndabenza amaNaziri.+
Akunjalo na maSirayeli?’ utsho uYehova.
12 ‘Kodwa naqhubeka niselisa amaNaziri iwayini,+Nabaprofeti nabayalela nisithi: “Nize ningaprofeti.”+
13 Ngoko ndiza kunityumza kuloo ndawo nikuyo,Kanye njengaxa inqwelo egcwele izithungu ityumza kwanto ephantsi kwayo.
14 Onamendu akazukuba nandawo yakubalekela,+Lowo womeleleyo uza kuphelelwa ngamandla,Ibe akukho kroti liza kusinda.
15 Ophatha isaphetha akazukuxhathisa,Nalowo uneenyawo ezinamendu akazukubaleka,Nomkhweli wehashe akazukusinda.
16 Nelona kroti linesibindi kunamanye,Liza kubaleka lihamba ze ngaloo mini,’+ utsho uYehova.”