Amosi 4:1-13
4 “Liveni eli lizwi, nina zimazi zeenkomo zaseBhashan,Ezisentabeni yaseSamariya,+Nina bafazindini baqhatha izisweli,+ nityumza namahlwempu,Nina bathi kubayeni benu,* ‘Siphatheleni into yokusela!’
2 INkosi enguMongami uYehova ifunge ngobungcwele bayo yathi,‘“Jongani! Kuza imihla apho niya kuphakanyiswa ngeehaki zomxheliBaze abashiyekileyo baphakanyiswe ngeehaki zokuloba iintlanzi.
3 Niza kuphuma ngeentanda eziseludongeni, ngamnye aye ngqo phambili,Ibe niza kuphoswa eHarmon,” utsho uYehova.’
4 ‘Yizani eBheteli nize nenze isono,+EGiligali none nakakhulu!+
Zisani imibingelelo yenu+ kusasa,Nezishumi zenu+ ngomhla wesithathu.
5 Qhumisani umbingelelo wokubulela ngesonka esinegwele.+Bhengezani iminikelo yenu yokuzithandela!
Kuba yiloo nto enithanda ukuyenza kakade, nina maSirayeli,’ itsho iNkosi enguMongami uYehova.
6 ‘Mna ndawenza acoceka amazinyo enu ngenxa yokungabi nakutya kuzo zonke izixeko zenuNdaza ndanenza naswela isonka kuzo zonke izindlu zenu;+Kodwa anizange nibuyele kum,’+ utsho uYehova.
7 ‘Ndanivimba nemvula kwiinyanga ezintathu ngaphambi kwexesha lesivuno.+Ndenza kwanetha kwesinye isixeko, kodwa kwesinye akwanetha.
Esinye isiqwenga somhlaba safumana imvula,Kodwa esinye soma ngenxa yokungabikho kwemvula.
8 Abantu bezixeko ezibini okanye ezithathu babegxadazelela kwisixeko esinye ukuze basele amanzi,+Ibe babenganeli.Kodwa anizange nibuyele kum,’+ utsho uYehova.
9 ‘Ndanibetha ngomoya otshisayo nokungunda.+
Nayandisa imiyezo namasimi enu eediliya,Kodwa imithi yenu yamafiya* neyeminquma yadliwa ziinkumbi.+
Nalapho anizange nibuyele kum,’+ utsho uYehova.
10 ‘Ndathumela isifo esingubhubhani esinjengeso saseYiputa.+
Ndabulala abafana benu ngekrele,+ ndathimba namahashe enu.+
Ndakwenza kwangena ezimpumlweni zenu ukunuka kweenkampu zenu.+Kodwa anizange nibuyele kum,’ utsho uYehova.
11 ‘Ndanibhukuqa,Ngendlela endayibhukuqa ngayo iSodom neGomora.+
Naninjengesikhuni esixhwilwe emlilweni,Kodwa anizange nibuyele kum,’+ utsho uYehova.
12 Yiloo nto endiza kuyenza kuwe, Sirayeli.
Ekubeni ndiza kwenza kanye le nto kuwe,Zilungiselele ukudibana noThixo wakho, Sirayeli.
13 Kuba jonga! nguye owayila iintaba+ nowadala umoya.+Uxelela umntu izinto azicingayo,Ujika ukuthi qheke kokusa kube bubumnyama,+Unyathela kwiindawo eziphakamileyo zomhlaba,+Igama lakhe nguYehova uThixo wemikhosi.”