Hoseya 11:1-12
11 “Xa uSirayeli wayeyinkwenkwana, ndamthanda,+Ibe ndathi unyana wam makabuye eYiputa.+
2 Okukhona babembiza,*Kokukhona wayesimka kubo.+
Waqhubeka ebingelela kwimifanekiso kaBhahali+Waqhumisa kwimifanekiso eqingqiweyo.+
3 Kodwa ndim owamfundisa ukuhamba uEfrayim,+ ndamfunqula;+Yaye akazange avume ukuba ndimphilisile.
4 Ndamtsala ngeentambo zobubele,* ngeentambo zothando;+Kuye ndandinjengomntu osusa idyokhwe entanyeni yakhe,Yaye ndathantamisa xa ndandinika ngamnye ukutya.
5 Akazukubuyela kwilizwe laseYiputa, kodwa iAsiriya iza kuba ngukumkani wakhe,+Kuba walile ukubuyela kum.+
6 Ikrele liza kugqugqisa kwizixeko zakhe+Lize ligqibe imivalo yakhe, limqwenge ngenxa yamaqhinga akhe.+
7 Abantu bam bakhetha ukungathembeki kum.+
Nangona bebabizela phezulu,* akukho namnye ophakamayo.
8 Ndingathini ukukuncama, Efrayim?+
Ndingathini ukukunikezela, Sirayeli?
Ndingathini ukukuphatha njengeAdima?
Ndingathini ukukwenza ube njengeTsebhoyim?+
Intliziyo yam itshintshile;Kwangaxeshanye, usizi lwam luyavutha.+
9 Andizukuwukhupha umsindo wam.
Andizukuphinda ndimtshabalalise uEfrayim,+Kuba ndinguThixo andingomntu,Lowo Ungcwele phakathi kwakho;Yaye andizukukuhlasela ndinomsindo.
10 Uza kuhamba emva koYehova, yaye uza kugquma njengengonyama;+Xa egquma, oonyana bakhe baza kungcangcazela bevela entshona.+
11 Uza kungcangcazela oku kwentaka xa ephuma eYiputa,Njengehobe liphuma kwilizwe laseAsiriya;+Yaye ndiza kumhlalisa ezindlini zakhe,” utsho uYehova.+
12 “UEfrayim undingqonge ngobuxoki,Yaye indlu kaSirayeli indingqonge ngokuqhatha.+
Kodwa uYuda usahamba noThixo,Ibe uthembekile kuLowo Ungcwele.”+
Umbhalo osemazantsi
^ Oko kukuthi, abaprofeti nabanye ababethunywa ukuba bafundise uSirayeli.
^ Okanye “ngeentambo zabantu.”
^ Oko kukuthi, kwinkonzo ephakamileyo.
