Hoseya 12:1-14
12 “UEfrayim utya umoya.
Uleqa umoya wasempuma imini yonke.
Wandisa ukuxoka nobundlobongela.
Wenza isivumelwano neAsiriya,+ ibe usa ioli eYiputa.+
2 UYehova umbeka ityala uYuda;+Uza kumphendulisa uYakobi ngeendlela zakhe,Ibe uza kumbhatalisa ngokwezenzo zakhe.+
3 Esesiswini wabamba umntakwabo esithendeni,+Ibe ngamandla akhe wajijisana noThixo.+
4 Waqhubeka ejijisana nengelosi waza woyisa.
Walila waza wacela inceba.”+
UThixo wamfumana eBheteli, ibe wathetha nathi apho.+
5 UYehova uThixo wemikhosi,+UYehova ligama akhunjulwa ngalo.*+
6 “Ngoko buyela kuThixo wakho,+Hlala unothando olungagungqiyo nobulungisa,+Yaye hlala uthembele kuThixo wakho.
7 Kodwa esandleni sikasomashishini kukho isikali esiqhathayo;Uyawathanda amaqhinga.+
8 UEfrayim uhlala esithi, ‘Ndibe sisityebi nyhani;+Ndifumene ubutyebi.+
Ibe kuko konke ukubulaleka kwam, akukho nto imbi okanye sono baza kusifumana.’
9 Kodwa ndinguYehova uThixo wakho ukususela kwilizwe laseYiputa.+
Ndiza kuphinda ndikwenze uhlale ezintenteniNjengakwimihla yexesha elimisiweyo.*
10 Ndathetha nabaprofeti,+Ndayandisa imibono yabo,Ndenza nemizekelo ndisebenzisa abaprofeti.
11 Abantu baseGiliyadi bayaqhatha*+ ibe bayaxoka.
EGiligali babingelele ngeenkunzi zeenkomo.+Nemibingelelo yabo injengemfumba yamatye kwimisinga yasendle.+
12 UYakobi wabalekela kwilali* yaseAram,*+USirayeli+ wasebenza apho efuna umfazi,+Yaye ngenxa yomfazi walusa iigusha.+
13 Esebenzisa umprofeti uYehova wakhupha uSirayeli eYiputa,+Ibe wagadwa ngumprofeti.+
14 UEfrayim umcaphukisa kakhulu+ uThixo;Ityala legazi lihleli kuye;INkosi yakhe iza kumbhatalisa ngehlazo alenzileyo.”+
Umbhalo osemazantsi
^ Okanye “sisikhumbuzo sakhe.”
^ Okanye kusenokwenzeka, “Njengakwimihla yetheko.”
^ Okanye “benza into engaqhelekanga; benza into engaziwa mntu.”
^ Ngokoqobo, “kwintsimi.”
^ Okanye “yaseSiriya.”
