Hoseya 14:1-9
14 “Buyela kuYehova uThixo wakho Sirayeli,+Kuba isono sakho sikukhubekisile.
2 Buyela kuYehova nala mazwi,Yithi kuye, ‘Sixolele isono sethu,+ uze wamkele okulungileyo,Yaye siza kunikela indumiso yemilebe yethu+ njengamathole eenkomo.*
3 IAsiriya ayizukusisindisa.+
Asizukukhwela mahashe,+Yaye asizukuphinda sithi, “Owu Thixo wethu!” kwinto eyenziwe zizandla zethu,Kuba kungenxa yakho le nto umntwana ongenatata enzelwe inceba.’+
4 Ndiza kukunyanga ukungathembeki kukaSirayeli.+
Ndiza kumthanda ngokusuka entliziyweni,*+Kuba ndiyekile ukuba nomsindo.+
5 Ndiza kuba njengombethe kuye;Uza kutyatyamba njengenyibiba,Azimilisele iingcambu zakhe njengemithi yaseLebhanon.
6 Amasetyana akhe aza kunaba,Ubukhulu bakhe buza kuba njengobomthi womnquma,Nevumba lakhe elimnandi libe njengelaseLebhanon.
7 Uza kuphinda ahlale emthunzini wakhe.
Uza kulima ukutya okuziinkozo aze aqhame njengomthi weediliya.+
Uza kuduma njengewayini yaseLebhanon.
8 UEfrayim uza kuthi, ‘Ndisenantoni yakwenza nezithixo?’+
Ndiza kuphendula ndize ndimkhusele.+
Ndiza kuba njengomthi ochumileyo wejunipha.
Siza kufumaneka kum isiqhamo sakho.”
9 Ngubani na osisilumko? Makaziqonde ezi zinto.
Ngubani na oqaphelayo? Makazazi.
Kuba iindlela zikaYehova zilungile,+Yaye amalungisa aza kuhamba ngazo;Kodwa aboni baza kukhubeka kuzo.
Umbhalo osemazantsi
^ Ngokoqobo, “siza kukubuyekeza ngamathole eenkomo aziinkunzi emilebe yethu.”
^ Okanye “ngokuzithandela.”
