Hoseya 6:1-11
6 “Yizani, sibuyele kuYehova,Kuba usidlavule,+ kodwa uza kusiphilisa.
Usibethile, kodwa uza kuwabopha amanxeba ethu.
2 Uza kusivusa emva kweentsuku ezimbini.
Ngosuku lwesithathu uza kusiphakamisa,Yaye siza kuphila phambi kwakhe.
3 Siza kumazi, kuba siza kube sizimisele ukumazi uYehova.
Ukuphuma kwakhe kuqiniseke njengokuphuma kwelanga.Uza kuza kuthi njengokugalela kwemvula,Njengemvula yasentwasahlobo emanzisa umhlaba.”
4 “Ndikuthini na Efrayim?
Ndikuthini na Yuda?
Kuba uthando lwakho* lufana namafu akusasaLufana nombethe onyamalala msinya.
5 Yiloo nto ndiza kubaxabela ndisebenzisa abaprofeti;+Ndiza kubabulala ngamazwi omlomo wam.+
Ibe ukugwetywa kwenu kuza kukhazimla njengokukhanya.+
6 Kuba ndivuyiswa kukuthandwa ngokungagungqiyo,* kungekhona yimibingelelo,Nokwaziwa kukaThixo, endaweni yeminikelo etshiswa ngokupheleleyo.+
7 Kodwa bona, njengabantu nje, basaphule isivumelwano.+
Baye bandijikela apho.
8 IGiliyadi yidolophu yabenzi-bubi,+Egcwele ligazi.+
9 Ababingeleli bafana nemigulukudu elalele indoda.
Babulala abantu endleleni eya kwaShekem,+Kuba izenzo zabo zilihlazo.
10 Ndibone inyala endlini kaSirayeli.
UEfrayim uthengisa ngomzimba* apho;+USirayeli uzingcolisile.+
11 Ngaphezu koko, wena Yuda, ubekelwe ixesha lokuvuna,Xa ndibuyisa abantu bam abathinjiweyo.”+
Umbhalo osemazantsi
^ Okanye “uthando lwakho olungagungqiyo.”
^ Okanye “yinceba.”
^ Okanye “uziphethe kakubi ngesondo.”
