Hoseya 9:1-17
9 “Sukuvuya Sirayeli.+Sukonwaba njengezizwana.
Kuba ngenxa yokuba uthengisa ngomzimba* uye wemka kuThixo wakho.+
Uye wathanda umvuzo wokuthengisa ngomzimba kuwo onke amabala okubhula iinkozo.+
2 Kodwa ibala lokubhula nesixovulelo sewayini azizukumondla uSirayeli,Newayini entsha iza kumphoxa.+
3 Akazukuqhubeka ehlala elizweni likaYehova;+Kunoko uEfrayim uza kubuyela eYiputa,Ibe uza kutya izinto ezingcolileyo eAsiriya.+
4 Abazukuqhubeka begalelela uYehova iminikelo yewayini.+Akazukuyithanda imibingelelo yabo.+
Bafana nesonka sokuzila;Bonke abo basityayo baza kuzingcolisa.
Kuba isonka sabo sesabo bodwa;Asizukungena endlini kaYehova.
5 Niza kwenza ntoni ngemini yokudibana kwenu,*Ngemini yetheko likaYehova?
6 Kuba jonga! kuza kufuneka babaleke ngenxa yokutshatyalaliswa kwelizwe.+
IYiputa iza kubaqokelela,+ neMemfis iza kubangcwaba.+
Izinto zabo ezixabisekileyo zesilivere ziza kudliwa ngamarhawu,*Ibe kuza kubakho amatyholo anameva ezintenteni zabo.
7 Iyeza imihla yokugwetywa,+Iyeza imihla yokuhlawuliswa,Ibe uSirayeli uza kuyazi.
Umprofeti wakhe uza kuba sisidenge, nomntu ophefumlelweyo uza kuphambana;Ngenxa yobuninzi besiphoso sakho, nawe ucatshukelwa kakhulu.”
8 Unogada+ wakwaEfrayim wayenoThixo wam.+
Kodwa ngoku zonke iindlela zabaprofeti bakhe+ zinjengesabatha sombambisi weentaka;Kukho inzondo endlini kaThixo wakhe.
9 Bangene nzulu ekonakaliseni, njengakwimihla yaseGibheya.+
Uza kusikhumbula isiphoso sabo aze abohlwaye ngezono zabo.+
10 “USirayeli ndamfumana njengokufumana iidiliya entlango.+
Ukubabona kwam ookhokho benu, babenjengamafiya* okuqala emthini wawo.
Kodwa basuka baya kuBhahali wasePehore;+Bazinikela kwinto elihlazo,*+
Benyanyeka njengale nto bayithandayo.
11 UEfrayim ubhabha emke okwentaka;Akukho mntu uzalayo, ukhulelwayo nokhawulayo.+
12 Nokuba bangade bakhulise abantwana,Baza kufa de kungabikho nenye indoda,+Baza kuthi shu xa ndibashiya!+
13 UEfrayim owayetyalwe edlelweni, wayefana neTire kum;+Kodwa ngoku uEfrayim ufanele azise oonyana bakhe ukuze babulawe.”
14 Owu Yehova, khawubanike le nto ibafaneleyo;Isibeleko esikhupha isisu namabele omileyo.
15 “Konke ukona kwabo kwakuseGiligali,+ kuba ndabacaphukela apho.
Ndiza kubagxotha endlini yam ngenxa yezinto ezingcolileyo abazenzayo.+
Ndiza kuyeka ukubathanda;+Zonke iinkokheli zabo zinenkani.
16 UEfrayim uza kuxatyelwa.+
Iingcambu zakhe ziza koma, ibe akazukuvelisa siqhamo.
Nokuba angade azale, ndiza kuyibulala loo nzala yakhe ayithandayo.”
17 UThixo wam uza kumlahla,Kuba akakhange ammamele,+Ibe uza kuba yimbacu ezintlangeni.+
Umbhalo osemazantsi
^ Okanye “uziphethe kakubi ngesondo.”
^ Okanye “ngemini ekhethelwe itheko lenu.”
^ Okanye “ngurhelejane.”
^ Okanye “babenjengamakhiwane.”
^ Okanye “kuthixo olihlazo.”
