IMizekeliso 1:1-33
1 Imizekeliso kaSolomon,+ unyana kaDavide,+ ukumkani wakwaSirayeli:+
2 Ukuze umntu afunde* ubulumko+ nengqeqesho;Aqonde amazwi obulumko;
3 Afumane ingqeqesho+ emenza akwazi ukucinga,Abe lilungisa,+ agwebe kakuhle*+ aze ayimele into elungileyo;*
4 Ukuze kunikwe abangenamava ubulumko;+Kunikwe umfana ulwazi aze akwazi ukucingisisa.+
5 Umntu osisilumko uyamamela aze afunde nakakhulu;+Umntu oqiqayo ufumana amacebiso obulumko+
6 Ukuze aqonde umzekeliso neqhalo elibhidayo,Amazwi ezilumko nezaci zazo ezinzima.+
7 Ukoyika* uYehova kukuqalisa kolwazi.+
Zizidenge kuphela ezidelela ubulumko nengqeqesho.+
8 Yimamele nyana wam, ingqeqesho katata wakho,+Ungayilahli imfundiso* kamama wakho.+
9 Zisisithsaba esinomtsalane kwintloko yakho+Nentsimbi yodidi emqaleni wakho.+
10 Nyana wam, ukuba aboni bazama ukukuhenda, ungavumi.+
11 Ukuba bathi: “Hamba nathi.
Masilalele abantu size sichithe igazi.
Siza kuzimela, silalele abantu abangenzanga nto.
12 Siza kubaginya bephila kanye njengengcwaba,*Bephelele, njengabo batshona emngxunyeni.
13 Masithimbe zonke izinto zabo zexabiso;Siza kugcwalisa izindlu zethu ngazo.
14 Hamba nathi,Siza kwahlulelana ngayo yonke into esiyibayo.”*
15 Nyana wam, uze ungabalandeli.
Iinyawo zakho mazingabi sendleleni yabo,+
16 Kuba iinyawo zabo zibalekela ekwenzeni ububi;Zingxamela ukuchitha igazi.+
17 Ngokuqinisekileyo akuncedi nto ukwaneka umnatha intaka ijongile.
18 Yiloo nto belalela ukuze bachithe igazi;Bayazimela ukuze babulale abantu.
19 Zinjalo iindlela zabo bafuna ukwenza ingeniso ngamaqhinga,Ize kwayona ibabulale abo* bayifumanayo.+
20 Ubulumko bokwenene+ butsho ngesikhalo esikhulu esitratweni.+
Busoloko bungxola kwiindawo zikawonke-wonke.+
21 Bukhwaza ekoneni* yezitrato eziphithizelayo.
Buthetha ezigeyithini zesixeko busithi:+
22 “Kuza kude kube nini na nina bangenamava nikuthanda ukungabi namava?
Kuza kude kube nini na nina bagculeli nikuthanda ukugculela?
Ibe kuza kude kube nini na nina zidenge nilucaphukela ulwazi?+
23 Samkeleni isohlwayo endininika sona.*+
Mna ndiza kuninika umoya wam;Ndiza kunazisa amazwi am.+
24 Kuba ndakhwaza, kodwa anizange nindifune,Ndolula isandla sam, kodwa akukho mntu wandihoyayo.+
25 Naqhubeka ningawahoyanga onke amacebiso amNisikhabela kude nesohlwayo sam.
26 Nam ke ndiza kuhleka xa nifikelwa yintlekele;Ndiza kuhlekisa ngani xa kufika izinto enizoyikayo,+
27 Xa izinto enizoyikayo zifika kanye njengesaqhwithi,Nentlekele yenu ifika kanye njengesitshingitshane,Xa nifikelwa yintlungu naziingxaki.
28 Ngelo xesha baza kundibiza, kodwa andizukuphendula;Baza kundikhangela phantsi phezulu, kodwa abazukundifumana,+
29 Kuba balucaphukela ulwazi,+Bakhetha ukungamoyiki uYehova.+
30 Zange bafune ukwamkela icebiso lam;Bazidelela zonke izohlwayo zam.
31 Ngoko baza kufumana imiphumo yeendlela zabo,*+Yaye baza kuhlutha mpu ngamacebiso* abo.
32 Kuba ukungathobeli kwabangenamava kuza kubabulala,Nokungakhathali kwezidenge kuza kuzitshabalalisa.
33 Kodwa umntu ondimamelayo uza kuhlala ekhuselekile,+Aze angaphazanyiswa kukoyika intlekele.”+
Umbhalo osemazantsi
^ Ngokoqobo, “azi.”
^ Okanye “ngobulungisa.”
^ Okanye “angakhethi buso.”
^ Okanye “Ukuhlonipha.”
^ Okanye “Ungawulahli umthetho.”
^ Funda Ingcaciso Yamagama.
^ Okanye “Siza kuba nengxowa enye sonke.”
^ Okanye “ithathe ubomi babo.”
^ Ngokoqobo, “kwintloko.”
^ Okanye “Guqukani xa ndinohlwaya.”
^ Ngokoqobo, “baza kutya iziqhamo zeendlela zabo.”
^ Okanye “ngamaqhinga; ngamacebo.”
