IMizekeliso 13:1-25
13 Unyana osisilumko uyayamkela ingqeqesho katata wakhe,+Kodwa osileyo akeva xa ekhalinyelwa.*+
2 Ngesiqhamo samazwi akhe,* umntu uza kutya izinto ezilungileyo,+Kodwa eyona nto ithandwa ngabantu abanamaqhinga bubundlobongela.
3 Ogada umlomo wakhe* ukhusela ubomi bakhe,+Kodwa oyivula banzi imilebe yakhe uza kwenzakala.+
4 Umntu olivila uyarhala, abe engenanto,+Kodwa okhutheleyo uza kwanela ngokupheleleyo.*+
5 Ilungisa liyabucaphukela ubuxoki,+Kodwa izenzo zomenzi-bubi ziza neentloni kunye nehlazo.
6 Ubulungisa buyamkhusela umntu omsulwa,+Kodwa izinto ezimbi ziyamthoba umoni.
7 Kukho ozenza ngathi sisityebi, abe engenanto;+Kubekho nozenza ihlwempu, kanti sisinhanha.
8 Ubutyebi buhlawulela ubomi bomntu,+Kodwa amahlwempu awoyiki nto.*+
9 Ukukhanya kwamalungisa kuqaqambile,*+Kodwa isibane sabenzi-bubi siza kucinywa.+
10 Ukuzigqatsa kuyaxabanisa,+Kodwa ubulumko bobabantu abafuna amacebiso.*+
11 Ubutyebi obufunyanwa msinya* buphelela emoyeni,+Kodwa ubutyebi obuqokelelwa kancinci kancinci* buyanda.
12 Ithemba* elibanjezelweyo ligulisa intliziyo,+Kodwa umnqweno ozalisekileyo ungumthi wobomi.+
13 Nabani na owucaphukelayo umyalelo* uza kuhlawuliswa,+Kodwa othobela umthetho uza kuvuzwa.+
14 Ukufundiswa sisilumko* ngumthombo wobomi,+Ukuze umntu asindiswe kwimigibe yokufa.
15 Umntu oyisebenzisa kakuhle ingqondo uyathandeka,Kodwa indlela yabanamaqhinga inamagingxi-gingxi.
16 Umntu osisilumko wenza izinto ngokwazi,+Kodwa isidenge sidiza ubudenge baso.+
17 Umthunywa ongathembekanga ungena engxakini,+Kodwa umthunywa othembekileyo uyaphilisa.+
18 Nabani na ongayikhathalelanga ingqeqesho uba lihlwempu aze ahlazeke,Kodwa okwamkelayo ukulungiswa* uyazukiswa.+
19 Kumnandi emntwini xa efumana into ayinqwenelayo,+Kodwa abenzi-bubi abafuni kusuka ezintweni ezimbi.+
20 Ohamba nezilumko uza kuba sisilumko,+Kodwa osebenzisana nezidenge uza kungena engxakini.+
21 Aboni baleqwa yintlekele,+Kodwa amalungisa avuzwa ngempumelelo.+
22 Umntu olungileyo ubashiyela ilifa abazukulwana bakhe,Kodwa ubutyebi bomoni bugcinelwa ilungisa.+
23 Umhlaba olinyiweyo wehlwempu uvelisa ukutya okuninzi,Kodwa kungatshayelwa kuphele* ngenxa yokungabikho kobulungisa.
24 Nabani na ongayisebenzisiyo intonga* uyamcaphukela unyana wakhe,+Kodwa omthandayo ukukhuthalele ukumqeqesha.*+
25 Ilungisa litya lanele,+Kodwa isisu somenzi-bubi asinanto.+
Umbhalo osemazantsi
^ Okanye “elungiswa.”
^ Ngokoqobo, “somlomo wakhe.”
^ Okanye “amazwi akhe.”
^ Ngokoqobo, “uza kutyetyiswa.”
^ Ngokoqobo, “awakhalinyelwa.”
^ Ngokoqobo, “kuyavuya.”
^ Okanye “abacebisanayo.”
^ Okanye “obuphuma kwilize.”
^ Ngokoqobo, “ngesandla.”
^ Okanye “Ulindelo.”
^ Okanye “olicaphukelayo ilizwi.”
^ Okanye “Umthetho wesilumko.”
^ Okanye “osamkelayo isohlwayo.”
^ Okanye “angatshayelwa aphele.”
^ Okanye “ingqeqesho; isohlwayo.”
^ Okanye kusenokwenzeka, “umqeqesha ngokukhawuleza.”
