IMizekeliso 31:1-31
31 La ngamazwi kaKumkani uLemuweli, umyalezo obalulekileyo awawunikwa ngumama wakhe emfundisa:+
2 Ndimele ndithini kuwe, nyana wam,Yhini na, nyana wesibeleko sam,Nyana wezifungo zam?+
3 Uze ungawaniki abafazi amandla akho,+Ungalandeli neendlela ezitshabalalisa ookumkani.+
4 Akubafanelanga ookumkani, Lemuweli,Akubafanelanga ookumkani ukusela iwayiniOkanye abalawuli ukuba bathi, “Buphi utywala bam?”+
5 Ukuze bangaseli baze balibale umthetho obekiweyo,Bangawaniki amalungelo awo amahlwempu.
6 Utywala bunike abo batshabalalayo+Newayini uyinike abo basentlungwini.+
7 Mabasele baze babulibale ubuhlwempu babo;Mabaziphose kwelokulibala iinkathazo zabo.
8 Bathethelele abo bangakwazi kuzithethelela;Walwele amalungelo abo batshabalalayo.+
9 Thetha uze ugwebe ngobulungisa;Walwele amalungelo* amahlwempu nabasweleyo.+
א [Aleph]
10 Ngubani onokumfumana umfazi ofanelekileyo?*+
Ixabiso lakhe lingaphezulu lee kweleekorale.*
ב [Beth]
11 Umyeni wakhe umthemba ngentliziyo yakhe yonke,Ibe akukho nto ayidingayo.
ג [Gimel]
12 Umvuza ngokulungileyo, hayi ngezinto ezimbi,Yonke imihla yobomi bakhe.
ד [Daleth]
13 Ukhangela uboya nelinen;Uyakuthanda ukusebenza ngezandla zakhe.+
ה [He]
14 Unjengeenqanawa zikasomashishini,+Uza nokutya okuvela kude.
ו [Waw]
15 Uvuka kusemnyama,Ayinike ukutya indlu yakheAnike nezicakakazi zakhe izabelo zazo.+
ז [Zayin]
16 Ucinga ngentsimi ethile aze ayithenge;Utyala intsimi yeediliya ngezandla zakhe.*
ח [Heth]
17 Ulungiselela ukusebenza nzima,*+Aze omeleze iingalo zakhe.
ט [Teth]
18 Uyaqinisekisa ukuba ukushishina kwakhe kungenisa imali;Isibane sakhe asicimi ebusuku.
י [Yod]
19 Izandla zakhe zithatha intonga yokuluka,Ibe zibamba intonga yokusonta.*+
כ [Kaph]
20 Isandla sakhe usolulela osweleyo,Ibe usivulela amahlwempu.+
ל [Lamed]
21 Akayoyikiseli intsapho yakhe ngenxa yekhephu,Kuba yonke intsapho yakhe ineempahla ezifudumeleyo.*
מ [Mem]
22 Uyazenzela iingubo zomandlalo wakhe.
Impahla yakhe yeyelinen noboya obumsobo.*
נ [Nun]
23 Umyeni wakhe uyaziwa ezigeyithini zesixeko,+Apho ahlala khona phakathi kwabadala belizwe.
ס [Samekh]
24 Wenza impahla* yelinen aze ayithengise,Ibe uthengisela oosomashishini amabhanti.
ע [Ayin]
25 Wambethe amandla nobukhulu,Ibe akalixhalelanga* ikamva.
פ [Pe]
26 Kuphuma ubulumko emlonyeni wakhe;+Umthetho wobubele* uselulwimini lwakhe.
צ [Tsade]
27 Uzijongile izinto ezenzekayo entsatsheni yakhe,Ibe akasityi isonka sobuvila.+
ק [Qoph]
28 Abantwana bakhe bayaphakama baze bathi wonwabile;Umyeni wakhe uyaphakama aze amdumise.
ר [Resh]
29 Baninzi abafazi abafanelekayo,*Kodwa wena, ubodlula bonke.
ש [Shin]
30 Umtsalane usenokuba yinkohliso, nobuhle busenokuphela,*+Kodwa umfazi owoyika uYehova uza kudunyiswa.+
ת [Taw]
31 Mvuzeni ngenxa yezinto azenzayo,*+Ibe mayimdumise imisebenzi yakhe kwiigeyithi zesixeko.+
Umbhalo osemazantsi
^ Okanye “Wathethelele.”
^ Okanye “ogqwesileyo.”
^ Funda Ingcaciso Yamagama.
^ Okanye “ngemali ayenzileyo.” Ngokoqobo, “ngeziqhamo zezandla zakhe.”
^ Okanye “Ubhinqa amandla esinqeni sakhe.”
^ Intonga yokuluka neyokusonta zazisetyenziselwa ukunitha.
^ Ngokoqobo, “ngambini.”
^ Okanye “obupepuli.”
^ Okanye “impahla yangaphantsi.”
^ Okanye “uyalihleka.”
^ Okanye “Umyalelo wothando; Umthetho wothando olungagungqiyo.”
^ Okanye “abagqwesileyo.”
^ Okanye “busenokuba lilize.”
^ Ngokoqobo, “Mnikeni kwisiqhamo sezandla zakhe.”
