IiNdumiso 147:1-20
147 Dumisani uYa!*
Yinto entle ukumdumisa ngengoma* uThixo wethu;Kumnandi ibe kufaneleke nyhani ukumdumisa!+
2 UYehova wakha iYerusalem;+Uqokelela onke amaSirayeli asasazekileyo.+
3 Upholisa iintliziyo ezibuhlungu;Ubopha amanxeba.
4 Ubala inani leenkwenkwezi;Zonke uzibiza ngamagama.+
5 Ubukhulu namandla eNkosi yethu azinakuthelekiswa nanto!+Ubulumko bayo abunamda.+
6 UYehova uyabaphakamisa abalulamileyo,+Kodwa uziphosa phantsi izikhohlakali.
7 Mbuleleni ngengoma uYehova;Mdumiseni ngengoma uThixo wethu, nidlala uhadi,
8 Lowo uwathi wambu ngamafu amazulu,Lowo unisa imvula emhlabeni,+Lowo uhlumisa ingca+ ezintabeni.
9 Upha izilwanyana ukutya,+Upha amantshontsho ehlungulu akhalayo.+
10 Akawahoyanga amandla ehashe;+Engayiboneli ntweni nemilenze eyomeleleyo yomntu.+
11 UYehova uyabathanda abo bamoyikayo,+Abo bathembele kuthando lwakhe olungagungqiyo.+
12 Mzukise uYehova Yerusalem.
Mdumise uThixo wakho Ziyon.
13 Uwenza omelele amasango esixeko sakho;Uyabasikelela oonyana bakho.
14 Wenza kubekho uxolo kummandla wakho;+Ukwanelisa ngengqolowa yodidi.*+
15 Uthumela umyalelo wakhe emhlabeni;Ilizwi lakhe likhawuleza lifike.
16 Uwisa ikhephu njengoboya;+Usasaza iqabaka njengothuthu.+
17 Unisa isichotho* njengamaqhekeza esonka.+
Ngubani onokumelana nengqele yakhe?+
18 Ngelizwi nje, utsho zinyibilike.
Uvuthuzisa umoya, kuze kuqukuqele amanzi.+
19 Unika uYakobi umyalelo wakhe,USirayeli imithetho nezigwebo zakhe.+
20 Akayenzanga loo nto kwezinye iintlanga;+Azazi nto ngezigwebo zakhe.
Dumisani uYa!*+
Umbhalo osemazantsi
^ Okanye “Haleluya!” “UYa” ligama elishunqulelweyo likaYehova.”
^ Okanye “ukumqambela ingoma.”
^ Ngokoqobo, “etyebileyo.”
^ Okanye “umkhenkce.”
^ Okanye “Haleluya!” “UYa” ligama elishunqulelweyo likaYehova.
