IiNdumiso 35:1-28
EkaDavide.
35 Owu Yehova, ndithethelele kwiintshaba zam;+Yilwa nabo balwa nam.+
2 Qubula ikhaka lakho, elikhulu nelincinci,+Uphakame uze undikhusele.+
3 Baphakamisele umkhonto wakho nezembe lakho lemfazwe* abo bandileqayo.+
Yithi kum: “Ndim okusindisayo.”+
4 Kwanga bangadana baze bahlazeke abo bazingela ubomi bam.+
Kwanga bangarhoxa bethe nyoxo abo baceba ukunditshabalalisa.
5 Kwanga banganjengomququ ophetshethwa ngumoya;Kwanga ingelosi kaYehova ingabadudula.+
6 Kwanga ingaba mnyama ize ibe mtyibilizi indlela yaboNjengoko beleqwa yingelosi kaYehova.
7 Kuba bandibekele umnatha wokundibambisa;Bandimbele umngxuma ndingenzanga nto.
8 Kwanga bangafikelwa yintlekele bengalindelanga;Kwanga bangabanjiswa ngumnatha abandibekele wona;Kwanga bangawela kuwo, batshabalale.+
9 Kodwa mna ndiza kuvuya ngenxa kaYehova;Ndiza kuba nemincili ngenxa yokusindiswa nguye.
10 Onke amathambo am mawathi:
“Owu Yehova, ngubani na onjengawe?
Uyabasindisa abo bangenakuzinceda kwabo banamandla kunabo,+Abangenakuzinceda namahlwempu kwabo babakhuthuzayo.”+
11 Kuvela amangqina athetha ubuxoki ngam,+Endibuza izinto endingazaziyo.
12 Okuhle endikwenzayo bakuvuza ngokubi,+Bendenza ndibe buhlungu.
13 Kodwa mna ndanxiba amalaphu okwenza ingxowa xa babegula;Ndazivisa intlungu ngokuzila ukutya,Ibe xa umthandazo wam wawungaphendulwa,*
14 Ndazula-zula ngokungathi ndizilele umhlobo wam okanye umntakwethu;Ndaqubuda ndisentlungwini oku komntu ozilele umama wakhe.
15 Kodwa xa ndandineengxaki, bavuya baza baqokelelana;Badibana ukuze bandilalele baze bandihlasele;Babendihlalele ngokundiyuca.
16 Abo baqaqadekileyo bahlekisa ngam,*Banditshixizela amazinyo.+
17 Owu Yehova, kuza kude kube nini ubukele?+
Ndisindise kwabo bandihlaselayo,+Busindise kwezi ngonyama ubomi bam obuxabisekileyo.*+
18 Ndiza kukubulela ebandleni elikhulu;+Ndiza kukudumisa phakathi kwenginginya yabantu.
19 Sukubavumela baqhayise abo bandizonda ngaphandle kwesizathu;Sukubavumela baqwabaze ilihlo ngenkohlakalo+ abo bandicaphukela ndingenzanga nto.+
20 Kuba abathethi luxolo,Kodwa babenzela amayelenqe abo bathanda uxolo elizweni.+
21 Bayivula ibe banzi imilomo yabo bendityholaBesithi: “Heke! Heke! Sikubhaqile.”
22 Owu Yehova, uzibonele ngokwakho. Sukuthi cwaka.+
Sukumela kude, owu yhini Yehova.+
23 Vuka, uphakame uze undikhusele,Thixo wam, Yehova, khawundithethelele.
24 Ndigwebe ngobulungisa bakho,+ Yehova Thixo wam;Sukubavumela bandinyevulele.
25 Sukubavumela bathi: “Heke! Simfumene.”
Ungabayeki bathi: “Simgqibile.”+
26 Mababe neentloni, bahlazekeAbo bayivuyelayo intlekele yam.
Mabambathiswe ihlazo, baphoxeke abo baziphakamisayo.
27 Kodwa abo bavuyayo kuba ndililungisa mabakhwaze bevuya;Kwanga bangasoloko besithi:
“Makenziwe mkhulu uYehova, ovuyayo xa ebona umkhonzi wakhe eseluxolweni.”+
28 Nolwimi lwam luza kutsho lubalise* ngobulungisa bakho,+Luze lukudumise imini yonke.+
Umbhalo osemazantsi
^ Okanye “nezembe lakho elibukhali macala.”
^ Okanye “wawubuyela esifubeni sam.”
^ Okanye kusenokwenzeka, “bahlekisa ngam ngenxa yesonka.”
^ Ngokoqobo, “obukuphela kwabo.”
^ Okanye “lwetyise.”
