IiNdumiso 42:1-11
Kumalathisi. IMaskili* yoonyana bakaKora.+
42 Njengexhamakazi eliyifuna ngamandla imisinga yamanzi,Nam ndikufuna ngamandla Thixo.
2 Ndimnxanelwe uThixo, uThixo ophilayo.+
Ndingeza nini ndibonakale phambi koThixo?+
3 Iinyembezi zam zikukutya kwam imini nobusuku;Abantu bandinxwala imini yonke besithi: “Uphi lo Thixo wakho?”+
4 Ndiyazikhumbula ezi zinto, ibe ndikhupha yonke into esentliziyweni yam,Kuba ndandidla ngokuhamba nesihlwele sabantu;Ndandidla ngokuthi chu phambi kwabo sisiya endlini kaThixo,Sasisitsho ngentswahla, sivuya yaye sibulela,Sisisihlwele esibhiyozela itheko.+
5 Kutheni ndikhathazeke kangaka?+
Kutheni ndingcungcutheka ngaphakathi?
Lindela kuThixo,+Kuba ndiseza kumdumisa ekubeni enguMsindisi wam Omkhulu.+
6 Thixo wam, ndikhathazeke gqitha.+
Yiyo le nto ndikukhumbula,+Ndikwilizwe laseYordan nakwiincopho zeHermon,KwiNtaba IMizare.*
7 Amanzi anzulu abiza amanzi anzuluXa kuvakala isandi seengxangxasi zakho.
Onke amaza akho andongamele.+
8 Emini uYehova uza kundithanda ngokungagungqiyo,Ndize ebusuku ndicule ngaye, ndithandaze kuThixo wobomi bam.+
9 Ndiza kuthi kuThixo oliliwa lam:
“Kutheni undilibele?+
Kutheni ndimele ndisoloko ndibuhlungu ngenxa yokucinezelwa lutshaba lwam?”+
10 Iintshaba zam ziyandikhohlakalela zifuna ukundibulala;*Zindinxwala imini yonke zisithi: “Uphi lo Thixo wakho?”+
11 Kutheni ndikhathazeke kangaka?
Kutheni ndingcungcutheka ngaphakathi?
Lindela kuThixo,+Kuba ndiseza kumdumisa ekubeni enguMsindisi Omkhulu noThixo wam.+
Umbhalo osemazantsi
^ Funda Ingcaciso Yamagama.
^ Okanye “kwintaba encinci.”
^ Okanye kusenokwenzeka, “ngokungathi zityumza amathambo am.”
