IiNdumiso 68:1-35
Kumalathisi. EkaDavide. Ingoma emnandi. Ingoma.
68 Makaphakame uThixo, iintshaba zakhe mazithi saa,Nabo bamcaphukelayo mababaleke phambi kwakhe.+
2 Baqhube oku komoya uphephethekisa umsi;Abenzi-bubi mabatshabalale phambi koThixo,Banyibilike oku kwamafutha phambi komlilo.+
3 Kodwa mawonwabe wona amalungisa;+Mawavuye kakhulu phambi koThixo;Mawavuye, onwabe.
4 Culelani uThixo, nilidumise ngengoma* igama lakhe.+
Mculeleni Lowo uphalisa ecanda entlango.*
Igama lakhe nguYa!*+ Vuyani phambi kwakhe!
5 UThixo ngutata wabangenatata nomkhuseli* wabahlolokazi+Esendaweni yakhe yokuhlala engcwele.+
6 UThixo ubanika ikhaya abo bangenabani;+Amabanjwa uwakhokelela kwimpumelelo.+
Kodwa bona abaneenkani* bamele bahlale kwilizwe elomileyo.+
7 Owu Thixo, xa wakhokela abantu* bakho,+Xa wanqumla intlango, (Selah)
8 Umhlaba wanyikima;+Izulu lagalela* imvula ngenxa kaThixo;ISinayi le yanyikima ngenxa kaThixo, uThixo kaSirayeli.+
9 Wehlisa izantyalantyala zemvula Thixo;Wabahlaziya abantu bakho* abadiniweyo.
10 Babengabahlali ezintenteni zakho;+Owu Thixo, wawakhathalela namahlwempu kuba unobubele.
11 NguYehova oyalelayo;Abafazi abashumayela iindaba ezilungileyo bangumkhosi omkhulu.+
12 Ookumkani nemikhosi yabo bayabaleka,+ bayabaleka!
Umntu oshiyeka endlini uxhamla kwixhoba.+
13 Nangona nina madoda nanilala phakathi kweemfumba zothuthu enkampini,*Kuza kubakho amaphiko ehobe alekwe ngesilivereAneencam zegolide yodidi.*
14 Xa uSomandla wabachithachithayo ookumkani belo lizwe,+Kwakhithika eTsalmon.*
15 Intaba yeBhashan+ yintaba kaThixo;Intaba yeBhashan yintaba yeencopho.
16 Kutheni niyijonge ngamehlo omona njeIntaba uThixo akhethe* ukuhlala kuyo,
Nina zincochoyi zeentaba?+
Kakade, uYehova uza kuhlala apho ngonaphakade.+
17 Iinqwelo zikaThixo zokulwa zingamashumi amawaka, amawaka ngamawaka.+
UYehova uze endaweni engcwele evela eSinayi.+
18 Unyukele phezulu;+Uhambe nabathinjwa;Uthathe izipho ezingabantu,+Uthathe kwanabo baneenkani,+ ukuze uhlale phakathi kwabo, wena Ya, Thixo.
19 Makadunyiswe uYehova osithwalela umthwalo yonke le mihla,+UThixo wokwenene osisindisayo. (Selah)
20 UThixo wokwenene nguThixo osisindisayo;+Futhi uYehova iNkosi enguMongami usisindisa ekufeni.+
21 Ngokuqinisekileyo uThixo uza kuziqhekeza iintloko zeentshaba zakhe,Intloko yakhe nabani na oqhubeka* enetyala.+
22 UYehova uthe: “Ndiza kubabuyisa eBhashan;+Ndiza kubabuyisa ezinzulwini zolwandle,
23 Ukuze unyawo lwakho ludade egazini,+Nolwimi lwezinja zakho lukhothe igazi leentshaba zakho.”
24 Bayayibona imingcelele yakho Thixo,Imingcelele yoThixo wam, uKumkani wam, isiya endaweni engcwele.+
25 Iimvumi zihamba phambili, zilandelwa ngabadlali bomrhubhe;+Phakathi kwabo ziintombi ezibetha amagubu.+
26 Dumisani uThixo kwibandla elikhulu;Mdumiseni uYehova, nina baphuma kuMthombo kaSirayeli.+
27 Nalo iphelo uBhenjamin+ lisoyisa abantu,Neenkosana zakwaYuda negquba labantu bazo abangxolayo,Iinkosana zakwaZebhulon, neenkosana zakwaNafetali.
28 UThixo wakho uthe uza kuba namandla.
Bonakalisa amandla akho Thixo, wena usilwelayo.+
29 Ngenxa yetempile yakho eYerusalem,+Ookumkani baza kukuphathela izipho.+
30 Wakhalimele amarhamncwa asezingcongolweni,Iindibano zeenkunzi zeenkomo+ namathole azo,De izizwe ziqubude, zizise amaqhosha* esilivere.
Kodwa uyazisasaza izizwana ezingoophuma-silwe.
31 Izinto ezenziwe ngekopolo ziza kuziswa zivela* eYiputa;+UKushe uza kukhawulezisa ukunika uThixo izipho.
32 Owu nina zizwe zomhlaba, mculeleni uThixo,+Mdumiseni ngengoma* uYehova, (Selah)
33 Mculeleni lowo ukhwele izulu lamandulo, izulu lamazulu.+
Jongani! Utsho ngendudumo yelizwi lakhe, ilizwi elinamandla.
34 Vumani ukuba uThixo unamandla.+
Ubukhulu bakhe buphezu koSirayeli,Namandla akhe asesibhakabhakeni.*
35 UThixo uyamangalisa kwingcwele yakhe* ezukileyo.+
UnguThixo kaSirayeli,Unika abantu amandla nokomelela.+
Makadunyiswe uThixo.
Umbhalo osemazantsi
^ Okanye “niliqambele ingoma.”
^ Okanye “amafu.”
^ “UYa” ligama elishunqulelweyo likaYehova.
^ Ngokoqobo, “nomgwebi.”
^ Okanye “abangathobeliyo.”
^ Ngokoqobo, “waphuma phambi kwabantu.”
^ Ngokoqobo, “lavuza.”
^ Ngokoqobo, “ilifa lakho.”
^ Okanye kusenokwenzeka, “kwisibaya seegusha.”
^ Okanye “eluhlaza-butyheli.”
^ Okanye “Kwaba ngathi kukhithikile eTsalmon.”
^ Okanye “afuna.”
^ Okanye “ohamba-hamba.”
^ Okanye kusenokwenzeka, “zingqishe phezu kwamaqhosha.”
^ Okanye kusenokwenzeka, “Kuza kuza oonozakuzaku bevela.”
^ Okanye “Mqambeleni ingoma.”
^ Ngokoqobo, “asemafini.”
^ Ngokoqobo, “yakho.”
