IiNdumiso 90:1-17
Umthandazo kaMoses, umntu kaThixo wokwenene.+
90 Owu Yehova, wena uye waba yindawo yethu yokuhlala*+ kuzo zonke izizukulwana.
2 Ngaphambi kokuba iintaba zizalweOkanye ngaphambi kokuba wenze umhlaba nelizwe,*+Ukususela ngonaphakade ukusa ngonaphakade, wena unguThixo.+
3 Umntu ofayo umbuyisela eluthulini;Uthi: “Buyelani, bonyana babantu.”+
4 Kuba iminyaka eliwaka emehlweni akho injengosuku lwayizolo,+Nanjengexesha likanogada ebusuku.
5 Uyabatshayela;+ bafana nje nobuthongo;Kusasa banjengengca ehlumayo.+
6 Kusasa iyatyatyamba ibe luhlaza,Kodwa ngokuhlwa iyabuna yome.+
7 Kuba umsindo wakho asikwazi kuwunyamezela,+Ibe siyakoyika ukucaphuka kwakho.
8 Ubeka iziphoso zethu phambi kwakho;*+Iimfihlo zethu zibhencwa kukuqaqamba kobuso bakho.+
9 Ubomi bethu bugqitywa ngumsindo wakho;Iminyaka yethu iphela kanye njengokusebeza.
10 Ubomi bethu buba yiminyaka eyi-70,Okanye eyi-80+ kumntu owomeleleyo.*
Kodwa igcwele iingxaki neenkathazo;Ikhawuleza idlule, siphaphazele simke.+
11 Ngubani onokuwaqonda amandla omsindo wakho?
Umsindo wakho ulingana nokoyikeka kwakho.+
12 Sifundise indlela yokubala imihla yethu+Ukuze sibe nentliziyo enobulumko.
13 Buya Yehova!+ Kuza kude kube nini na?+
Khawubasizele abakhonzi bakho.+
14 Sanelise kusasa ngothando lwakho olungagungqiyo,+Ukuze sikhwaze ngovuyo size sonwabe+ ubomi bethu bonke.
15 Senze sonwabe ngokulingana nemihla owasivisa intlungu ngayo,+Ngokulingana neminyaka esehlelwa ngayo ziintlekele.+
16 Abakhonzi bakho mabawubone umsebenzi wakho,Noonyana babo babubone ubukhulu bakho.+
17 Kwanga ububele bukaYehova uThixo wethu bungaba phezu kwethu;Kwanga ungawenza uphumelele* umsebenzi wezandla zethu.
Ewe, wenze uphumelele* umsebenzi wezandla zethu.+
Umbhalo osemazantsi
^ Okanye kusenokwenzeka, “yokubalekela.”
^ Okanye “uzise umhlaba nelizwe ngokungathi kungenimba.”
^ Okanye “Uyazazi iziphoso zethu.”
^ Okanye “onamandla akhethekileyo.”
^ Okanye “ungawuzinzisa.”
^ Okanye “wuzinzise.”
