INgoma Yazo Iingoma 7:1-13
7 “Azisentle nje iinyawo zakho kwezo mbadada,Nditsho wena nkosazana!
Amathanga akho anjengezihombiso,Ngathi enziwe zizandla zechule.
2 Inkaba yakho sisitya esirawundi.
Mayingaze iphele iwayini exutyiweyo kuso.
Isisu sakho siyimfumba yengqolowa,Ejikelezwe ziinyibiba.
3 Amabele akho anjengamankonyana amabini,Amawele ebhadikazi.+
4 Intamo yakho+ injengenqaba yophondo lwendlovu.+
Amehlo akho+ anjengamachibi aseHeshbhon,+Ngasegeyithini yaseBhati-rabhim.
Impumlo yakho injengenqaba yaseLebhanon,Ejonge ngaseDamasko.
5 Intloko yakho isisithsaba esinjengeKarmele,+Iinwele zakho*+ zinjengoboya obumsobo.*+
Ubuhle bazo buyamthimba ukumkani.
6 Awusemhle nje ntombi, uyathandeka,Uthandeka ngaphezu kwento yonke!
7 Umile okomthi wesundu,Amabele akho afana nezihlahla zeedatilisi.+
8 Ndithe, ‘Ndiza kukhwela emthini wesundu,Ndithathe isihlahla sawo.’
Amabele akho mawabe njengezihlahla zeediliya,Umphefumlo wakho unuke kamnandi okwama-apile,
9 Umlomo wakho ube* njengeyona wayini yodidi.”
“Loo wayini mayihle kamnandi kwisithandwa sam,Yehle kuloo milebe yaso, isiyobe.
10 Ndingowesithandwa sam,+Ibe naso siyandifuna.
11 Yiza, sithandwa sam,Masiye kubethwa ngumoya;Masiye kuhlala phakathi kwezityalo zehena.+
12 Masivuke ekuseni siye emasimini eediliya,Sibone ukuba seyidubule na imithi yeediliya,Sibone ukuba ayikatyatyambi na,+Sibone nokuba iirharnati azikadubuli na,+
Ndize ndikubonise indlela endikuthanda ngayo.+
13 Iziqhamo zemithuma+ zikhupha ivumba lazo elimnandi;Ezigeyithini zethu kukho zonke iintlobo zezona ziqhamo zimnandi.+
Sithandwa sam, ndikubekele iziqhamo ezisanda kukhiwa nezigciniweyo.
Umbhalo osemazantsi
^ Okanye “obupepuli.”
^ Ngokoqobo, “Intloko yakho.”
^ Ngokoqobo, “Inkalakahla yakho ibe.”
