Isaya 40:1-31
40 “Bathuthuzeleni, thuthuzelani abantu bam,” utsho uThixo wenu.+
2 “Thethani ngobubele neYerusalem,*Yixeleleni ukuba kuphelisiwe ukusetyenziswa kwayo ngetshova,Nokuba ityala layo lihlawulelwe.+
UYehova ugqibile ukuyohlwayela izono zayo zonke.”+
3 Nalo ilizwi livakala entlango lisithi:
“Vulelani uYehova indlela!+
Yenzelani* uThixo wethu uhola wendlela+ othe tye, onqumla entlango.+
4 Mazinyuswe zonke iintlambo,Kuthotywe zonke iintaba neenduli.
Umhlaba onamatye mawugudiswe,Nomhlaba ongamaxethuka ube lithafa elisentlanjeni.+
5 Ubukhulu bukaYehova buza kutyhilwa,+Buza kubonwa ngumntu wonke,*+Kuba uYehova uthethile.”
6 Mamela! Kukho umntu othi: “Khwaza!”
Omnye uyaphendula: “Ndikhwaze ndithini?”
“Bonke abantu banjengengca* eluhlaza.
Lonke uthando lwabo olungagungqiyo lunjengentyatyambo yengca.+
7 Ingca eluhlaza iyoma,Intyatyambo iyabuna,+Kuba kaloku ivuthelwa yimpefumlo* kaYehova.+
Ngokuqinisekileyo abantu bayingca nje eluhlaza.
8 Ingca eluhlaza iyoma,Intyatyambo iyabuna,Kodwa lona ilizwi likaThixo wethu lihlala lihleli, ngonaphakade.”+
9 Nyukela entabeni ephakamileyo,Wena mfazi uphathela iZiyon iindaba ezilungileyo.+
Khwaza ngamandla,Wena mfazi uphathela iYerusalem iindaba ezilungileyo.
Liphakamise ilizwi lakho, ungoyiki.
Yenza esi saziso kwizixeko zakwaYuda: “Nguye lo uThixo wenu.”+
10 Jongani! Kuza inkosi enguMongami uYehova ngokwayo, inamandla,Ibe kuza kulawula ingalo yayo.+
Jongani! Iphethe umvuzo,Nentlawulo eyihlawulayo iphambi kwayo.+
11 Iza kuwukhathalela* umhlambi wayo njengomalusi.+
Ngengalo yayo, iza kuwaqokelela amatakane,Iza kuhamba nawo iwabeke esifubeni.
Iza kuzikhokela ngobubele iigusha ezinamatakane.+
12 Ngubani owakhe walinganisa amanzi eelwandle ngomphakathi wesandla sakhe,+Khona, ingubani owakhe walinganisa amazulu ngokolula nje iminwe?*
Ingubani owakha waluqokelela waza walubeka ezikalini uthuli lomhlaba,+Okanye owakha wakala ubunzima beentaba,Nobunzima beenduli?
13 Ngubani owakha walinganisa* umoya kaYehova?Ingubani onokuba ngumcebisi wakhe, aze amyalele?+
14 Khona, uthethe nabani ukuze aqonde,Ingubani omfundisa indlela yobulungisa,Onokumphokozela ulwazi,Nonokumazisa indlela yokuqonda kokwenene?+
15 Jongani! Kuye iintlanga zinjengethontsi e-emeleni,Njengesuntswana lothuli ezikalini.+
Jongani! Uphakamisa iziqithi ngokungathi luthuli nje olucolekileyo.
16 NeLebhanon le yembala ayinako ukugcina umlilo uvutha,Nkqu nezilwanyana zayo zasendle azanelanga ukuba zingangumnikelo otshiswayo.
17 Xa zizonke iintlanga zifana nje nento engekhoyo kuye;+Aziyonto kuye, ngamampunge nje.+
18 Ningamlinganisa nabani uThixo,+
Ningabeka ntoni ecaleni kwakhe enokufana naye?+
19 Ingcibi ityhida isithixo,*Umnyibilikisi asityabeke ngegolide,+Aze akhande amatsheyini esilivere.
20 Umntu ukhetha umthi womnikelo,+Umthi ongaboliyo.
Ukhangela ingcibi enobuchule,Ukuze imenzele umfanekiso oqingqiweyo owomeleleyo.+
21 Anazi na?
Anivanga na?
Anizange nixelelwe kwasekuqaleni na?
Anizange niqonde na kwasekudalweni komhlaba?+
22 Kukho Lowo uhlala phezu komhlaba orawundi,+Kuye, abantu abahlala kuwo banjengeentethe.
Waneka amazulu njengelaphu elihle eliyasuyasu,Ibe uwatwabulula njengentente yokuhlala.+
23 Izikhulu uzithoba zingabi nto yanto,Bona abagwebi* bomhlaba, ubenza babe ngamampunge.
24 Bathi nje besatyalwa,Bathi nje besahlwayelwa,Nesikhondo sabo singekamili kwangcambu ezo,Babe sele bevuthelwa ngumoya, bome nko.Baphephethekiswa ngumoya oku komququ.+
25 “Ngubani eningandifanisa naye, ongantanga-nye nam?” utsho Lowo Ungcwele.
26 “Khanijonge ezulwini nize nibone.
Ngubani umdali wezi zinto?+
NguLowo ukhokela umkhosi weenkwenkwezi, owazi nkqu nenani lazo;Uzibiza ngamagama xa zizonke.+
Ngenxa yobukhulu bamandla akhe, namandla akhe amangalisayo,+Zonke ziphelele.
27 Wenziwa yintoni wena Yakobi, nditsho wena Sirayeli ukuba uthi,‘UYehova akayiboni indlela yam,Futhi andifumani kwabulungisa kuThixo’?+
28 Kanti awazi? Khona, awuvanga?
UYehova, uMdali wayo yonke into esemhlabeni, unguThixo ngonaphakade.+
Akaze adinwe; engaze atyhafe.+
Kaloku ukuqonda kwakhe akunakuze kwaziwe.+
29 Odiniweyo umnika amandla,Nongenamandla umomeleza ngokupheleleyo.*+
30 Amakhwenkwana aza kudinwa aze atyhafe,Nabafana baza kukhubeka baze bawe,
31 Kodwa abo bathembela kuYehova baza kuphinda bahlaziyeke.
Baza kundanda ngamaphiko oku kweenkozi.+
Baza kubaleka, bangatyhafi;Baza kuhamba, bangadinwa.”+
Umbhalo osemazantsi
^ Okanye “Yithuthuzeleni iYerusalem.”
^ Okanye “Lungiselelani.”
^ Okanye “yiyo yonke inyama.”
^ Ngokoqobo, “Yonke inyama injengengca.”
^ Okanye “ngumoya.”
^ Okanye “kuwalusa.”
^ Ukulinganisa ubude ukusuka kubhontsi ukuya kucikicane xa isandla sivuliwe. Funda Isihlomelo B14.
^ Okanye kusenokwenzeka, “okwazileyo ukuqondisisa.”
^ Okanye “umfanekiso oqingqiweyo.”
^ Okanye “abalawuli.”
^ Okanye “umnika amandla amangalisayo.”
