Isaya 46:1-13
46 UBhele ugobile,+ uNebho uthokombile.
Ezi zithixo zikhweliswe kwizilwanyana, izilwanyana ezithwala imithwalo+Zinjengomthwalo osinda izilwanyana ezidiniweyo.
2 Zombini ziyagoba ibe zithokombile;Azikwazi nokuncedisa kule mithwalo,*Ibe zona, zona kanye ziyathinjwa.
3 “Khanindimamele, owu yhini ndlu kaYakobi, nani nishiyekileyo bendlu kaSirayeli,+Nina ndanixhasayo, ndanithwala ukususela esibelekweni.+
4 Niza kude niguge, mna ndingekatshintshi;+Ndiza kuqhubeka ndinithwele nokuba seninezimvi.
Njengoko bendihlala ndisenza, ndiza kunithwala, ndinifunqule ndize ndinisindise.+
5 Ningandifanisa okanye nindilinganise nabani?+Ngubani onjengam, ukuze nindifanise naye?+
6 Kukho abo bakhupha igolide eninzi ezipajini zabo;Abo bakala isilivere.
Baqesha ichule elisebenza ngeentsimbi lize libenzele uthixo.+
Kwabona baqubuda kuye baze bamkhonze.+
7 Bamotyatha emagxeni;+Bamthwala baze bambeke endaweni yakhe, uma bhunxe apho.
Akasuki kuloo ndawo ebebekwe kuyo.+
Bayamkhwaza, kodwa akaphenduli;Akakwazi kusindisa namnye kwintlungu yakhe.+
8 Khumbulani ezi zinto, nize nibe nesibindi.
Zigcineni ezintliziyweni nina boni.
9 Khumbulani izinto zokuqala, zakudala,Ukuba ndinguThixo ibe akekho ofana nam
NdinguThixo ibe akekho onjengam.+
10 NdinguLowo uchaza umphumo wezinto zingekenzeki,Nozichaza kwakudala izinto zingekenziwa.+
Ndithi, ‘Isigqibo sam siza* kuma,+Ibe ndiza kuyenza yonke into endithanda ukuyenza.’+
11 Ndibiza intaka edla inyama empuma,*+Isuka kwilizwe elikude, umntu wokuphumeza isigqibo sam.*+
Ndiyithethile loo nto ibe ndiza kuyenza.
Ndigqibe ngolo hlobo ibe ndiza kuyenza.+
12 Ndimameleni nina baneentliziyo ezilukhuni,*Nina bakude ebulungiseni.
13 Ndibusondezile ubulungisa bam;Abukho kude,Yaye ndiza kunisindisa ngokukhawuleza.+
Ndiza kuyisindisa iZiyon, ndimenze abe mhle uSirayeli.”+
Umbhalo osemazantsi
^ Oko kukuthi, izithixo ezithwelwe zizilwanyana.
^ Okanye “Injongo yam iza; Icebo lam liza.”
^ Okanye “empumalanga.“
^ Okanye “injongo yam; icebo lam.”
^ Ngokoqobo, “ezinamandla.”
