Isaya 55:1-13
55 Nonke nina ninxaniweyo+ yizani, yizani emanzini!+
Nina ningenamali, yizani nithenge nize nitye!
Nangoku, yizani nithenge iwayini nobisi+ ngaphandle kwemali, simahla.+
2 Kutheni niqhubeka nikhupha imali ngento engesosonka,Kwaye kutheni nichitha imali yenu eniyisebenzele nzima kwimfitshimfitshi?
Ndimameleni kakuhle nize nitye ukutya okumnandi,+Ibe niza kuvuyela ukutya izimuncumuncu.*+
3 Vulani iindlebe, nize kum.+
Ndimameleni ukuze nihlale niphila,Kwaye ndiza kukulungela ukwenza isivumelwano nani esiza kuhlala sikho+Ndinithande ngothando olungagugqiyo endaluthembisa uDavide.+
4 Jonga! Ndimenze ingqina+ kwiintlanga,Inkokheli+ nomphathi+ weentlanga.
5 Jonga! Uza kubiza uhlanga ongalwaziyo,Nabantu bohlanga ababengakwazi baza kubalekela kuwe,Ngenxa kaYehova uThixo wakho,+ Lowo Ungcwele kaSirayeli,Kuba uza kukuzukisa.+
6 Funani uYehova ngoxa esafumaneka.+
Mbizeni ngoxa esekufutshane.+
7 Umntu ongalunganga makashiye indlela yakhe,+Nomenzi-bubi makazishiye iingcinga zakhe;Makabuyele kuYehova, oza kumenzela inceba,+KuThixo wethu, kuba uza kumxolela kakhulu.*+
8 “Kuba iingcinga zenu ayizizo iingcinga zam,+Neendlela zenu ayizizo iindlela zam,” utsho uYehova.
9 “Njengokuba amazulu ephakamile kunomhlaba,Neendlela zam ziphakamile kuneendlela zenu,Neengcinga zam ziphakamile kuneengcinga zenu.+
10 Njengokuba kusihla imvula nekhephu emazulwini,Zingabuyeli kuwo zingawumanzisanga umhlaba, ziwenze uvelise kwaye uhlume,Umnike imbewu umntu otyalayo, umnike nesonka otyayo,
11 Liza kuba njalo ke ilizwi eliphuma emlonyeni wam.+
Soze libuyele kum lingayenzanga into endiyithethileyo,+Kodwa nakanjani, liza kukwenza ukuthanda kwam,*+Ibe liza kuphumelela kuloo nto ndilithuma ukuba liyenze.
12 Kuba niza kuphuma ninemihlali,+Kwaye niza kubuyiswa ninoxolo.+
Iintaba neenduli ziza kuvuya phambi kwenu, zikhwaze ngovuyo,+Nemithi yonke yasendle iza kuqhwaba izandla.+
13 Endaweni yamatyholo anameva kuza kuhluma umthi wejunipha.+Endaweni yerhawu* kuza kuhluma umthi wommirtile.
Le nto iza kuzisa udumo* kuYehova,+Kube luphawu oluza kuhlala luhleli.”
Umbhalo osemazantsi
^ Ngokoqobo, “ukutya okunamafutha.”
^ Okanye “kumxolela nje lula.”
^ Okanye “kuyenza into endiyifunayo.”
^ Okanye “karhelejane.”
^ Okanye “kuza kumenzela igama.”
