Isaya 63:1-19
63 Ngubani na lo uthi gqi ngakwaEdom,+Lo uvela eBhotsera,+ enxibe iimpahla ezimibalabala,*Lo unxibe iimpahla ezimbejembeje,Engqisha ngamandlakazi?
“Ndim lo, Lowo uthetha ngobulungisa,Lowo unamandla okusindisa angathethekiyo.”
2 Kutheni wanxiba bomvu,Neempahla zakho zangathi zezomntu oxovula iwayini kwisixovulelo?+
3 “Ndiye ndaxovula ndodwa emkhumbini wewayini.
Akukho mntu wezizwana oye wazokundincedisa.
Ndiqhubekile ke ndizixovula ndinomsindo,Ndaqhubeka ndizinyathela ndicaphuke kakhulu.+
Iimpahla zam zachatshazelwa ligazi lazo,Ndiye ndazingcolisa zonke iimpahla zam.
4 Kuba ndizimisele ukuzisa imini yokuziphindezela,+Ufikile nonyaka wabantu bam abahlawulelweyo.
5 Ndakhangela, kodwa kwakungekho mntu wakundinceda;Kwandimangalisa ukungafumani nomnye umntu ofuna ukundincedisa.
Ngoko ke ingalo yam yandiphathela indlela yokusinda,*+Ndancedwa nangumsindo wam.
6 Ndazinyathela ndinomsindo izizwana,Ndazinxilisa ngomsindo wam+Ndaza ndalichithela phantsi igazi lazo.”
7 Ndiza kuthetha ngemisebenzi kaYehova yothando olungagungqiyo,Imisebenzi kaYehova efanele ukuzukiswa,Ngenxa yazo zonke izinto uYehova asenzele zona,+Izinto ezininzi ezintle azenzele indlu kaSirayeli,Ezenza ngenceba, nothando lwakhe olungathethekiyo, uthando olungagungqiyo.
8 Kuba uThixo wathi: “Bangabantu bam ngokuqinisekileyo, oonyana abaza kuthembeka kum.”*+
Ngoko ke, waba nguMsindisi wabo.+
9 Wayehlala ekhathazekile xa bekhathazekile.+
Yaye isithunywa sakhe sabasindisa.*+
Wabahlawulela kuba ebathanda futhi ebavela,+Wabafunqula waza wabathwala yonke imihla yakudala.+
10 Kodwa bona basuka abamthobela,+ bawenza buhlungu umoya wakhe oyingcwele.+
Yena wabajikela, walutshaba lwabo,+Walwa nabo.+
11 Baza abantu bakhe bakhumbula imihla yakudala,Imihla yomkhonzi wakhe uMoses, besithi:
“Uphi na Lowo wabanyusa waza wabakhupha elwandle+ nabalusi bomhlambi wakhe?+
Uphi na Lowo wafaka umoya wakhe oyingcwele kuMoses,+
12 Lowo wahambisa ingalo Yakhe ezukileyo nesandla sikaMoses sasekunene,+Lowo wahlukanisa amanzi phambi kwabo+Ukuze azenzele igama eliza kukhunjulwa ngonaphakade,+
13 Lowo wabanqumlisa emanzini alwayo,*Ukuze bangakhubeki,Njengehashe ethafeni elithe tyaba?*
14 Kanye njengemfuyo xa isehlela kwithafa elisentlanjeni,Umoya kaYehova wabanceda baphumla.”+
Leyo yindlela owabakhokela ngayo abantu bakho,Ukuze ulenze longame* igama lakho.+
15 Usezulwini apho, thoba amehloUkwelo khaya lakho lingcwele, lizukileyo.*
Iphi na intshiseko nobukhulu* bakho,Ukusika kwenimba yakho*+ nenceba yakho?+
Andizifumenanga mna.
16 Kuba wena unguTata wethu;+Nokuba asaziwa nguAbrahamEsenokungasazi noSirayeli,Wena Thixo wethu Yehova unguTata wethu.
Igama lakho unguMhlawuleli wethu wakudala.+
17 Yehova Thixo wethu, kutheni usiyeka sizishiye iindlela* zakho?
Kutheni uvumela* iintliziyo zethu zibe lukhuni size singakoyiki?+
Buya ngenxa yabakhonzi bakho,Izizwe ezililifa lakho.+
18 Liye laba lelabantu bakho abangcwele okwethutyana.
Iintshaba zethu ziyinyathele indawo yakho engcwele.+
19 Kangangethuba elide siye safana nje nabantu abangazange balawulwe nguwe,Njengabantu abangazange babizwe ngegama lakho.
Umbhalo osemazantsi
^ Okanye kusenokwenzeka, “ezibomvu krwe.”
^ Okanye “uloyiso.”
^ Okanye “abangazukuba ngamaxoki.”
^ Okanye “ingelosi eyayivela kuye yabadibanisa.”
^ Okanye “anzulu.”
^ Okanye “entlango?”
^ Okanye “libe lihle.”
^ Ngokoqobo, “Ukukrukrutheka kwenyama yakho yangaphakathi.”
^ Okanye “nobuhle.”
^ Okanye “lihle.”
^ Okanye “usikhupha ezindleleni.”
^ Ngokoqobo, “usenza.”
