Isaya 64:1-12
64 Akwaba wawuwakrazule amazulu, wehla,Ukuze iintaba zinyikime ngenxa yakho,
2 Njengokuba umlilo utshisa iintsasa,Yaye ubilisa amanzi,Beliya kutsho igama lakho laziwe ziintshaba zakho,Zitsho iintlanga zingcangcazele phambi kwakho!
3 Xa wenza izinto ezoyikekayo ebesingazicingelanga nokuzicingela,+Wehla, zaza iintaba zanyikima phambi kwakho.+
4 Kwakudala, akukho kwamntu ovileyo okanye obeke indlebe,Kungekho nalihlo lakha labona uThixo ngaphandle kwakho,Wena olwela abo bahlala belindele kuwe.*+
5 Uhlangabezene nabo benza izinto ezilungileyo bevuya,+Abo bakukhumbulayo nabalandela iindlela zakho.
Jonga! Uye wabhabhama ngumsindo xa besiqhubeka sisona,+Sikona ixesha elide.
Ngoko ngaba sifanele sisindiswe?
6 Sonke siye safana nomntu ongacocekanga,Yaye zonke izenzo zethu zobulungisa zinjengelaphu elisetyenziswa libhinqa elisexesheni.+
Sonke siza kubuna oku kwegqabi,Neziphoso zethu ziza kusiphaphathekisela kude ngokungathi siphaphathekiswa ngumoya.
7 Akukho nokuba abe mnye obiza egameni lakho,Akukho mntu uzimisele ukubambelela kuwe,Kuba ubufihlile ubuso bakho kuthi,+Futhi usenze saphelelwa ngamandla* ngenxa yesiphoso* sethu.
8 Kodwa ke Yehova, wena unguTata wethu.+
Thina siludongwe, yaye wena unguMbumbi wethu;*+Sonke singumsebenzi wesandla sakho.
9 Kowu Yehova sukucaphuka kakhulu,+Sukuba sasikhumbula ngonaphakade nesiphoso sethu.
Sicela usijonge, kuba sonke singabantu bakho.
10 Izixeko zakho ezingcwele ziye zaba yindawo eyomileyo.
IZiyon iye yaba yintlango,NeYerusalem yaba ngamabhodlo.+
11 Indlu* yethu engcwele nezukileyo*Ababekudumisela kuyo ookhokho bethu,Itshiswe ngomlilo,+Yaye zonke iindawo zethu ezazizezebhongo, ngoku zingamabhodlo.
12 Nangona kusenzeka ezi zinto, ngaba Yehova uza kuqhubeka usonge izandla?
Ngaba uza kuthi cwaka uze usiyeke sisentlungwini kangaka?+
Umbhalo osemazantsi
^ Okanye “balinda ngomonde.”
^ Ngokoqobo, “yamandla esiphoso.”
^ Ngokoqobo, “sanyibilika.”
^ Okanye “senziwe Nguwe.”
^ Okanye “Itempile.”
^ Okanye “nentle.”
