Nahum 1:1-15
1 Isibhengezo ngeNineve:+ Incwadi yombono kaNahum* umElekoshe:
2 UYehova nguThixo ofuna abantu bazinikele kuye yedwa+ ibe ungumphindezeli.UYehova ngumphindezeli kwaye ukulungele ukubonakalisa ingqumbo yakhe.+
UYehova uyaziphindezela kwiintshaba zakhe,Yaye uzigcinela ingqumbo iintshaba zakhe.
3 UYehova akakhawulezi ukucaphuka+ yaye unamandla kakhulu,+Kodwa uYehova akazukuzibamba ekohlwayeni xa kufanelekile.+
Indlela yakhe isemoyeni otshabalalisayo nakwisiphango,Yaye amafu aluthuli lweenyawo zakhe.+
4 Ukhalimela ulwandle,+ alomise,Womisa yonke imilambo.+
IBhashan neKarmele ziyabuna,+Neentyatyambo zaseLebhanon ziyabuna.
5 Iintaba ziyanyikima ngenxa yakhe,Neenduli ziyanyibilika.+
Ngenxa yobuso bakhe kuza kuba ngumbhodamo emhlabeni,Naselizweni, nakubo bonke abahlala kulo.+
6 Ngubani na onokuma phambi kokucaphuka kwakhe?+
Ingubani na onokumelana nobushushu bomsindo wakhe?+
Ingqumbo yakhe iza kuphokoka njengomlilo,Namatye aza kuqhekeka ngenxa yakhe.
7 UYehova ulungile,+ uyindawo ekhuselekileyo ngemini yentlungu.+
Uyabacinga* abo babalekela kuye.+
8 Uza kuyitshabalalisa ithi tu indawo yeNineve ngomkhukula otshayelayo,Yaye ubumnyama buza kuzileqa iintshaba zakhe.
9 Niza kumenzela liphi iyelenqe uYehova?
Utshabalalisa ngokupheleleyo.
Intlungu ayizukubakho okwesibini.+
10 Kuba baphinyelene njengameva,Yaye bafana nabantu abanxiliswe butywala,*Kodwa baza kudliwa ngumlilo njengeendiza ezomileyo.
11 Kuwe kuza kuphuma oceba izinto ezimbi ngoYehova,Ecebisa izinto ezingancedi nganto.
12 Uthi uYehova:
“Nangona babexhobe kakhulu kwaye bebaninzi,Baza kugawulwa bangabikho.*
Ndikubethile Yuda, kodwa andizukukuphinda.
13 Ngoku ndiza kuyaphula idyokhwe ekuwe,+Namatsheyini akuwe ndiza kuwaqhawula.
14 UYehova uyalele le nto ngawe,‘Igama lakho alizukuqhubeka likho.
Ndiza kuyisusa imifanekiso eqingqiweyo nemifanekiso yesinyithi endlini* yoothixo bakho.
Ndiza kukwenzela ingcwaba, kuba unezothe.’
15 Jonga! Ezintabeni kuza iinyawo zalowo uneendaba ezilungileyo,Lowo uthi kukho uxolo.+
Bhiyozela amatheko akho Yuda,+ zenze izinto ozifungileyo,Kuba akazukuphinda adlule kuwe umntu ongungantweni.
Uza kutshatyalaliswa angabikho.”
Umbhalo osemazantsi
^ Othetha ukuthi “Umthuthuzeli.”
^ Okanye “uyabahoya.” Ngokoqobo, “uyabazi.”
^ Okanye “butywala bengqolowa.”
^ Okanye kusenokwenzeka, “aze adlule.”
^ Okanye “etempileni.”
