Yona 2:1-10
2 UYona wathandaza kuYehova uThixo wakhe esesiswini sentlanzi,+
2 wathi:
“Ndakhwaza uYehova ndisentlungwini, waza wandiphendula.+
Ndakhalela uncedo ndisenzulwini yengcwaba.*+
Wena waliva ilizwi lam.
3 Ekundiphoseni kwakho enzulwini, phakathi elwandle,Imisinga yandogquma.+
Onke amaza akho alatyuzayo adlula phezu kwam.+
4 Ndathi, ‘Ndigxothiwe phambi kwamehlo akho!
Ndiza kuphinda ndiyibuke njani itempile yakho engcwele?’
5 Amanzi andogquma aza abubeka engozini ubomi bam.+Ubunzulu bamanzi bandogquma.
Ukhula lwayibhijela intloko yam.
6 Ndatshona ndaya kumazantsi eentaba.
Imivalo yomhlaba yayindivalela ngonaphakade.
Kodwa wabunyusa ubomi bam emngxunyeni, Owu Yehova Thixo wam.+
7 Xa ndandiphelelwa ngamandla, nguYehova endamkhumbulayo.+
Umthandazo wam wafika kuwe, etempileni yakho engcwele.+
8 Abo bazinikele kwizithixo ezingento yanto bayamfulathela lowo ungumthombo wabo wothando olungagungqiyo.
9 Kodwa ke mna, ndiza kubingelela kuwe ngelizwi lombulelo.
Oko ndikufungileyo, ndiza kukwenza.+
NguYehova osindisayo.”+
10 Ethubeni uYehova wayiyalela intlanzi, yaza yamhlanzela emhlabeni owomileyo uYona.
Umbhalo osemazantsi
^ Funda Ingcaciso Yamagama.
