AMAZWE NABANTU | EKHAMBODIYA
Ukutyelela EKhambodiya
IILALI EZISEMANZINI, abantu abaquqa bebuyelela ezivenkileni kunye nezitrato ezizele izithuthuthu ezikhwelise iinkukhu eziphilileyo neefriji—ezi zezinye zezinto eziseKhambodiya.
Abantu baseKhambodiya baziwa ngokuba nobubele nobuhlobo, yaye basondelelene. Xa behleli kunye bezipholele, enokuba bayaqala ukudibana badla ngokubizana mntakwethu, dadewethu, makazi, malume, makhulu okanye tatomkhulu!
Abanye abantu baseKhambodiya bahlala kwizikhitshane, ngoxa abanye behlala kwizindlu ezidadayo. Kukwakho nezikolo, iikliniki, iivenkile nezikhululo zepetroli ezidadayo
Isiqhamo idragon siyathandwa eKhambodiya
Irayisi sesinye sezidlo ezibalaseleyo eKhambodiya. Isidlo salapho siba neendidi ezintathu okanye ezine, kuquka isuphu. Intlanzi ithandwa gqitha kwelo lizwe. Iqhelekile into yokuba isidlo esinye sibe nokutya okuswiti, okumuncu, nokunetyuwa eninzi.
Malunga namawaka amabini eminyaka eyadlulayo, amaNdiya awayesiya eTshayina ngezorhwebo ayesima kunxweme lwaseKhambodiya, arhwebe nayo ngesilika nesinyithi, aze wona afumane izinongo, iziqholo, iimpondo zendlovu negolide. Ekuhambeni kwexesha, abantu baseKhambodiya baphenjelelwa zizithethe zaseIndiya nezaseTshayina, kwaza ngaloo ndlela kwanda ubuHindu nobuBhuda. Ngoku, ngaphezu kwe-90 pesenti yabantu abahlala eKhambodiya ngamaBhuda.
AmaNgqina kaYehova ashumayela ngethemba eliseBhayibhileni eKhambodiya. Ancede abantu abaninzi ngencwadi ethi Yintoni Ngokwenene Efundiswa YiBhayibhile? Ifumaneka ngeelwimi ezimalunga ne-250, kuquka olwaseKhambodiya.
Bangaphezu kwe-1 500 abantu baseKhambodiya abafunda iBhayibhile kunye namaNgqina kaYehova, yaye bafumana iimpendulo kwimibuzo enjengethi, “Baphi abafileyo?” nothi “Iyintoni injongo kaThixo ngomhlaba?”
Incwadi ethi Yintoni Ngokwenene Efundiswa YiBhayibhile? epapashwe ngamaNgqina kaYehova, iyafumaneka nangolwimi lwaseKhambodiya (oluboniswe apha).
Mhlawumbi Ungayithanda Nale
UVUKANI!
Ukutyelela ENew Zealand
Ngoxa iNew Zealand ililizwe elimi lodwa, nyaka ngamnye kufika iindwendwe ezimalunga neemiliyoni ezintathu. Yintoni ezitsalela kweli lizwe?
UVUKANI!
Ukutyelela EKazakhstan
Abantu baseKazakhstan babekuthanda ukufuduka baze bahlale kwiiyurts. Indlela abaphila ngayo ngoku ifana njani naleyo yakudala?
UVUKANI!
Ukutyelela ESpeyin
ISpeyin lilizwe elinabantu abahlukahlukeneyo ibe indlela ome ngayo umhlaba yahlukile. ESpeyin kwenziwa kakhulu okona kutya kuthandwayo ukodlula onke amanye amazwe ehlabathini.
UVUKANI!
Ukutyelela EKyrgyzstan
Abantu baseKyrgyzstan bathand’ iindwendwe yaye banembeko. Zeziphi izithethe zabo ezibonisa indlela abaphila ngayo?
UVUKANI!
Ukundwendwela ELiechtenstein
Yintoni ebangela ukuba eli lizwana lindwendwelwe ngabantu unyaka wonke?
UVUKANI!
Ukutyelela EUzbekistan
Funda ngeUzbekistan nangesizathu sokutshintsha kweealfabhethi zaseUzbek.
