AMAZWE NABANTU
Ukutyelela EMongolia
UGENGHIS KHAN, ijoni elilikroti elaliphila ngeminyaka yee-1100, wayila uBukhosi baseMongolia. IMongolia namhlanje lilizwe elincinane kobo bukhosi elifumaneka phakathi kweRashiya neTshayina, ibe lelinye lamazwe anabemi abambalwa.
IMongolia inamathafa anengca, iinduli, iintaba eziphakamileyo kunye nemilambo. Kumazantsi eli lizwe kukho iNtlango iGobi edume ngokuba namathambo ezilwanyana ezafa kudala, iidinosaur. Abemi bakhona bayibiza ngokuba ‘Lilizwe Lesibhakabhaka Esiluhlaza.’ Eli gama liyayifanela, kuba amaxesha amaninzi izulu lisoloko lityhilile!
Ihlosi elihlala ekhephini
Imozulu yaseMongolia ibaxekile. Ehlotyeni amaqondo obushushu enyuka aye kufikelela ku-40° Celsius, kanti ebusika kubakho ingqele eqhaqhazelis’ amazinyo. Phantse isiqingatha sabemi baseMongolia ngoonothwal’ impahlana. Ekuseni amadoda namabhinqa asenga iibhokhwe, iinkomo, iinkamela namahashe. Ukutya okuthandwayo apho yimveliso yobisi kunye nenyama, ingakumbi inyama yegusha.
Amaqebengwana enziwe ngamasi aza abekwa elangeni
Abantu baseMongolia banobubele. Abazitshixi iintente zabo ukuze abantu abagqitha ngendlela bakwazi ukungena, baphumle, baze batye nezimuncumuncu abazibekelweyo. Iindwendwe zidla ngokwenzelwa iti eshushu enobisi nentwana yetyuwa.
Namhlanje olona nqulo ludumileyo eMongolia bubuBhuda. Bakhona abambalwa abangamashaman, amaSilamsi, kunye namaKristu, kodwa ke abaninzi abakhonzi. EMongolia kukho amaNgqina kaYehova angaphezu kwe-350, afundisa abantu abangaphezu kwe-770 iBhayibhile.
Iinkamela ezithwele imithwalo kwimozulu eqhaqhazelis’ amazinyo
Mhlawumbi Ungayithanda Nale
UVUKANI!
Ukutyelela ENew Zealand
Ngoxa iNew Zealand ililizwe elimi lodwa, nyaka ngamnye kufika iindwendwe ezimalunga neemiliyoni ezintathu. Yintoni ezitsalela kweli lizwe?
UVUKANI!
Ukutyelela EKazakhstan
Abantu baseKazakhstan babekuthanda ukufuduka baze bahlale kwiiyurts. Indlela abaphila ngayo ngoku ifana njani naleyo yakudala?
UVUKANI!
Ukutyelela ESpeyin
ISpeyin lilizwe elinabantu abahlukahlukeneyo ibe indlela ome ngayo umhlaba yahlukile. ESpeyin kwenziwa kakhulu okona kutya kuthandwayo ukodlula onke amanye amazwe ehlabathini.
UVUKANI!
Ukutyelela EKyrgyzstan
Abantu baseKyrgyzstan bathand’ iindwendwe yaye banembeko. Zeziphi izithethe zabo ezibonisa indlela abaphila ngayo?
UVUKANI!
Ukundwendwela ELiechtenstein
Yintoni ebangela ukuba eli lizwana lindwendwelwe ngabantu unyaka wonke?
UVUKANI!
Ukutyelela EUzbekistan
Funda ngeUzbekistan nangesizathu sokutshintsha kweealfabhethi zaseUzbek.
