Ungakwazi Ukukhetha Ukuba Liza Kuba Njani Ikamva Lakho
Kwiminyaka eyi-3500 eyadlulayo, uYehova uThixo waxelela abakhonzi bakhe into abamele bayenze ukuze babe nekamva eliqinisekileyo: “Ndibeke phambi kwenu ubomi nokufa, intsikelelo nesiqalekiso. Khethani ubomi ukuze niphile, nina nenzala yenu.”—Duteronomi 30:19.
Ukuze babe nekamva elibhetele, kwakufuneka aba bakhonzi bakaThixo bakhethe kakuhle. Nathi namhlanje kufuneka sikhethe kakuhle. IBhayibhile iyasixelela ukuba sinokukhetha njani ukuba nekamva eliqinisekileyo: “Ngokuthi nimthande uYehova uThixo wenu, nilimamele ilizwi lakhe.”—Duteronomi 30:20.
SINGENZA NJANI UKUZE SIMTHANDE UYEHOVA SIZE SIMAMELE ILIZWI LAKHE?
FUNDA NGAYE EBHAYIBHILENI: Ukuze uthande uYehova kufuneka uqale ufunde ngaye eBhayibhileni. Ukuba uyayenza loo nto uza kuyiqonda ukuba nguThixo okuthandayo ibe ufuna wonwabe. Ufuna uthandaze kuye ‘kuba ukukhathalele.’ (1 Petros 5:7) IBhayibhile iyakuthembisa ukuba, ukuba uyazama ukusondela kuye naye ‘uza kusondela kuwe.’—Yakobi 4:8.
YENZE INTO OYIFUNDILEYO: Xa umamela uThixo loo nto ithetha ukuba wenza loo nto akucebisa yona eBhayibhileni. Ukuba uyayenza loo nto, “uza kuphumelela uze wenze ngobulumko.”—Yoshuwa 1:8.
^ isiqe. 7 Ifumaneka ngeelwimi eziyi-7, eziquka isiMandarin neCantonese Chinese.
Mhlawumbi Ungayithanda Nale
IMIBUZO YEBHAYIBHILE IYAPHENDULWA
Ithini IBhayibhile Ngenkululeko Yokuzikhethela? Ngaba Ubomi Bakho Bulawulwa NguThixo?
Abantu abaninzi bakholelwa ukuba ubomi babo bamiselwa kusengaphambili. Ngaba ukhetho lwethu lunento yokwenza nempumelelo yethu ebomini?
IMBONISELO
Ikamva Lakho, Lisezandleni Zakho!
Abanye bacinga ukuba ubomi babo bugqitywe kwangaphambili. Ngaba yinyani leyo?
IMIBUZO YEBHAYIBHILE IYAPHENDULWA
Zintoni Ezifunekayo Ukuze Uyazi IBhayibhile?
Nokuba injani na imvelaphi yakho, unokusazi isigidimi sikaThixo esikwiZibhalo Ezingcwele.
