Iimpendulo Zemibuzo YeBhayibhile
Ubonakala njani umzali olungileyo?
Ngaba wena nabantwana bakho niyamthanda uThixo?
Abantwana bakhula kakuhle kwikhaya elinabazali abathandanayo nabahlonelanayo. (Kolose 3:14, 19) Abazali abalungileyo bayabathanda abantwana babo ibe bayabancoma njengokuba noYehova uThixo emncoma uNyana wakhe.—Funda uMateyu 3:17.
UBawo wethu osezulwini uyabamamela abakhonzi bakhe, ibe uyikhathalele indlela abavakalelwa ngayo. Abazali banokumxelisa ngokubamamela abantwana babo. (Yakobi 1:19) Bamele bazi indlela abavakalelwa ngayo, enoba bayakhalaza.—Funda iNumeri 11:11, 15.
Unokubakhulisa njani abantwana abaqeqesheke kakuhle?
Njengomzali, unegunya lokubeka imithetho. (Efese 6:1) Funda kwindlela enza ngayo uYehova. Ubonisa indlela abathanda ngayo abantwana bakhe ngokubachazela kakuhle imithetho nemiphumo yokungayithobeli. (Genesis 3:3) Kodwa endaweni yokubanyanzela ukuba bathobele, ubafundisa iingenelo zokwenza izinto ezilungileyo.—Funda uIsaya 48:18, 19.
Zimisele ukunceda abantwana bakho bathande uThixo. Xa kunjalo, bayakwenza ngobulumko naxa ungekho. Kanye njengokuba uThixo engumzekelo kuthi, nawe bafundise ukuthanda uThixo ngendlela ophila ngayo.—Funda iDuteronomi 6:5-7; Efese 4:32; 5:1.
Mhlawumbi Ungayithanda Nale
UMTSHATO NENTSAPHO
Indlela Onokuba Ngutata Olungileyo Ngayo
Uhlobo lomyeni olulo xa umfazi wakho ekhulelwe, lubonisa uhlobo lotata oza lulo xa sele umntwana ezelwe.
NINAKO UKONWABA ENTSATSHENI
Indlela Yokufundisa Umntwana Wakho
Ukuqeqesha kuthetha okungaphaya kwemithetho nesohlwayo.
IMBONISELO
Indlela Yokuqeqesha Abantwana
Umzekelo kaYesu unokukunceda njani ube ngumzali ophumelelayo?
