Icandelo 1

UThixo Unokukunceda Ukuba Uyilungele Imini Yakhe Enkulu

“Imini enkulu kaYehova ikufuphi,” watsho njalo umprofeti kaThixo. (Zefaniya 1:14) Loo mini isondela ngokukhawuleza, ngoko simele sihlale siyikhumbula. Ubusazi na ukuba iincwadi ezibizwa ngabanye ngokuba zezabaProfeti Abancinane zisixelela into ebalulekileyo ngokuphathelele loo mini inkulu? ISahluko 1 ukusa kwesesi-3 sale ncwadi, ziya kukunceda ukuba ubazi ngakumbi abo baprofeti bali-12 kunye neencwadi zabo. Uya kungenelwa gqitha koko bakubhalileyo, ufumane neengongoma eziya kukunceda kubomi bakho bemihla ngemihla.