Ucinga Ntoni Ngekamva?
Ngaba izinto ezimbi . . .
-
ziza kuhlala zisenzeka?
-
ziza kuye zisiba mbi?
-
ziza kude ziphele?
ITHINI IBHAYIBHILE?
“UThixo . . . uza kuzosula zonke iinyembezi emehlweni abo, kungabi sabakho kufa, kungabi sabakho kuzila nakukhala nantlungu. Izinto zangaphambili azisekho.”—ISityhilelo 21:3, 4, iNguqulelo Yehlabathi Elitsha.
INGAKUNCEDA NJANI LE NTO?
Uza kwenza umsebenzi omnandi nowanelisayo.—Isaya 65:21-23.
Ukugula nezinto ezibuhlungu ziza kuphela.—Isaya 25:8; 33:24.
Uza konwaba uze uphile ubomi obungapheliyo nabantu obathandayo. —INdumiso 37:11, 29.
NGABA SINOKUYIKHOLELWA INTO ETHETHWA YIBHAYIBHILE?
Ewe, nazi ezinye zezizathu zokuyikholelwa:
-
UThixo akanakuxakwa kukwenza le nto. EBhayibhileni, nguYehova uThixo yedwa obizwa ngokuba ‘nguSomandla,’ kuba unamandla angapheliyo. (ISityhilelo 15:3) Ngenxa yoko, akanakuxakwa kukuyenza into ayithembisileyo yokuphelisa izinto ezimbi emhlabeni. Kanye njengokuba iBhayibhile isitsho, “kuThixo yonke into ingenzeka.”—Mateyu 19:26.
-
UThixo uyafuna ukuyenza into ayithembisileyo. Ngokomzekelo, uYehova uThixo ukufuna ngamandla ukuvusa abantu abaswelekileyo.—Yobhi 14:14, 15.
IBhayibhile isichazela ukuba uNyana KaThixo, uYesu, waphilisa abantu abagulayo. Kwakutheni ukuze abaphilise? Wayefuna. (Marko 1:40, 41) UYesu wayefuna ukubanceda abantu njengoTata wakhe.—Yohane 14:9.
Yiloo nto sinokuqiniseka ukuba bobabini uYehova noYesu bafuna sibe nekamva elihle size sonwabe.—INdumiso 72:12-14; 145:16; 2 Petros 3:9.
NANK’ UMBUZO
UThixo uza kuzilungisa njani izinto emhlabeni?
IBhayibhile iyawuphendula lo mbuzo KUMATEYU 6:9, 10 NAKUDANIYELI 2:44.
Mhlawumbi Ungayithanda Nale
IMBONISELO
Eyona Nyani Ngekamva
Zithembe izinto uThixo athembisa ukuba uza kuzenza emhlabeni, nathembisa ukuba uza benzela zona abantu abaza kuhlala kuwo.
IMIXHOLO ENGAKUMBI
Ithemba Lokuba Izinto Ziseza Kuba Bhetele
Kutheni izithembiso eziseBhayibhileni zingafani nezithembiso zabantu kunye nezinto abazicingayo?
IZINTO EZIBALULEKILEYO EZIFUNDISWA YIBHAYIBHILE
Yintoni UBukumkani BukaThixo?
Eyona nto wayefundisa ngayo uYesu yayibuBukumkani bukaThixo. Kangangeenkulungwane, abalandeli bakhe bebethandazela ukuba obo Bukumkani bufike.
IMBONISELO
Buza Kwenza Ntoni UBukumkani BukaThixo?
UYesu wayesazi ukuba buBukumkani BukaThixo qha obuza kulungisa iingxaki emhlabeni. Yintoni obuyenzileyo esenza sibuthembe?
INKCAZELO ENGAKUMBI NGATHI
Cela Ukufundelwa IBhayibhile
Fumana izifundo zeBhayibhile simahla ngexesha nakwindawo ekulungeleyo.
