ICANDELO 7
Uvuko LukaYesu Kuse Ekubanjweni KukaPawulos
Ngosuku lwesithathu emva kokufa kwakhe, uYesu wavuswa. Ngolo suku wabonakala kubalandeli bakhe izihlandlo ezihlanu ezahlukeneyo. UYesu wamana ebonakala kubo iintsuku ezingama-40. Emva koko, ebukelwe ngabanye abafundi bakhe, uYesu wanyukela ezulwini. Kwiintsuku ezili-10 kamva uThixo wathululela umoya oyingcwele kubalandeli bakaYesu ababelinde eYerusalem.
Kamva, iintshaba zikaThixo zabaphosa entolongweni abapostile, kodwa ingelosi yabakhulula. Abachasi bamxuluba ngamatye umfundi uStefano wafa. Kodwa siza kufunda indlela uYesu awanyula ngayo omnye waba bachasi ukuba abe ngumkhonzi wakhe okhethekileyo, waza waba ngumpostile uPawulos. Kwiminyaka emithathu enesiqingatha emva kokufa kukaYesu, uThixo wathumela umpostile uPetros ukuba aye kushumayela kuKorneli owayengengomYuda kunye nendlu yakhe.
Malunga neminyaka eli-13 kamva uPawulos waqalisa uhambo lwakhe lokuqala lokushumayela. Kuhambo lwakhe lwesibini uTimoti wahamba naye. Siza kufunda indlela uPawulos namaqabane awayehamba nawo abafumana ngayo amaxesha amaninzi achwayitisayo ekukhonzeni uThixo. Ekugqibeleni, uPawulos wavalelwa entolongweni eRoma. Kwiminyaka emibini kamva wakhululwa, kodwa ke kwakhona wafakwa entolongweni waza wabulawa. lziganeko zeCANDELO 7 zenzeka kwisithuba seminyaka engama-32.
KWELI CANDELO
IBALI 102
UYesu Uvukile
Emva kokuba ingelosi ilisusile ilitye elalivale ingcwaba likaYesu, amajoni othuswa yinto ayibona ngaphakathi kulo.
IBALI 104
UYesu Ubuyela Ezulwini
Ngaphambi kokuba uYesu enyukele ezulwini, unika abafundi bakhe umyalelo wokugqibela.
IBALI 105
Ukulinda EYerusalem
Kwakutheni ukuze uYesu athululele abafundi bakhe umoya oyingcwele ngePentekoste?
IBALI 106
Bayakhululwa Entolongweni
Iinkokeli zonqulo lwamaYuda zivalela abapostile entolongweni ukuze bangakwazi ukushumayela, kodwa uThixo u+nenye into engqondweni.
IBALI 108
Endleleni Eya EDamasko
Ukukhanya okumenza angaboni nelizwi elivela ezulwini zitshintsha ubomi bukaSawule.
IBALI 111
Inkwenkwe Eyalalayo
Kwintetho yokuqala kaPawulos uYutike uyalala, kodwa kweyesibini uthe qwa. Into eyenzeka phakathi kwezi ntetho zimbini yaba ngummangaliso.
IBALI 112
Ukwaphuka Kwenqanawa Esiqithini
Xa kanye becinga ukuba baza kufa, uPawulos ufumana umyalezo omnika ithemba kuThixo.
