USathana ulinga abantu ukuba benze izinto ezimbi. Umntu ofuna ukuba ngumhlobo kaThixo kufuneka akuthiye oko uYehova akuthiyileyo. (INdumiso 97:10) Ezi zezinye zezinto abahlobo bakaThixo abaziphephayo:

Izono zeentlobano zesini. “Uze ungakrexezi.” (Eksodus 20:14) Nokuba neentlobano zesini ngaphambi komtshato kuphosakele.​—1 Korinte 6:18.

Ukunxila. ‘Amanxila akayi kubudla ilifa ubukumkani bukaThixo.’​—1 Korinte 6:10.

Ukubulala, Ukuqhomfa. “Uze ungabulali.”​—Eksodus 20:13.

Ubusela. “Uze ungebi.”​—Eksodus 20:15.

Ukuxoka. UYehova uluthiyile ‘ulwimi oluxokayo.’​—IMizekeliso 6:17.

 Ugonyamelo Nomsindo Ongalawulekiyo. “[UYehova] umthiyile ngokuqinisekileyo nabani na othanda ugonyamelo.” (INdumiso 11:5) “Imisebenzi yenyama [iquka] . . . ukugqajukelwa yimisindo.”—Galati 5:19, 20.

Ukungcakaza. “Niyeke ukunxulumana naye nabani na . . . umntu obawayo.”—1 Korinte 5:11.

Intiyo Yobuhlanga. “Qhubekani nizithanda iintshaba zenu, nibathandazele abo banitshutshisayo.”—Mateyu 5:43, 44.

Izinto asixelela zona uThixo ziba yingenelo kuthi. Akusoloko kulula ukuphepha ukwenza izinto ezimbi. Ngoncedo lukaYehova nangoncedo lwamaNgqina akhe, unokukuphepha ukwenza izinto ezingamkholisiyo uThixo.—Isaya 48:17; Filipi 4:13; Hebhere 10:24, 25.