Ingoma 75
Izizathu Zokuvuya Kwethu
1. Sinentabalala yovuyo,
Luninzi njengobutyebi.
Kuyasivuyis’ ukubona
Abantu besithelela.
Uvuyo lwethu olukhulu
Lusekelw’ eZibhalweni.
Sizifunda yonke imihla,
Ziqinis’ ukholo lwethu.
Uvuyo lwethu luyavutha
Njengamalahle omlilo.
Nangona kukho izilingo,
Sinyamezela ngovuyo.
(CHORUS)
Iyasivuyisa yonke
Imisebenzi kaThixo.
Ziphakamile iingcinga zakhe,
Makhulu amandla akhe!
2. Sivuyiswa yindalo yakhe,
Amazulu kwanomhlaba.
Imangalisa ngokwenene
Imisebenzi kaThixo.
Ngovuyo sazisa abantu
Ngethemba loBukumkani.
Sibazisa ngeentsikelelo
Eziya kuziswa bubo.
Buya kuzisela uluntu
Uvuyo kwanemincili.
Kuya kubakho amazulu,
Kwakunye nomhlaba omtsha.
(CHORUS)
Iyasivuyisa yonke
Imisebenzi kaThixo.
Ziphakamile iingcinga zakhe,
Makhulu amandla akhe!
(Bona nezi: Dut. 16:15; Isa. 12:6; Yoh. 15:11.)
