1. Siphambi kwakho Thixo oluthando,

Sikudumisa ngamazwi ethu.

Wena Mphulaphuli wemithandazo,

Sizithoba kuwe ngombulelo.

Senz’ iziphoso imihla ngemihla;

Nced’ usixolele Thixo wethu.

Sithengwe ngegazi loNyana wakho;

Ngoko sifundise Bawo wethu.

2. Banoyolo abo bamenyiweyo

Kwiintendelezo zakho zemfundo.

Sifundise ngalo iLizwi lakho,

Siphile ngemiyalelo yakho.

Hayi ubukhulu bamandla akho,

Ayasomeleza enkonzweni.

Ngoko siya kushumayela rhoqo,

Sivakalise ulaw’lo lwakho.

3. Yanga inyameko yakho ingenza

Unqulwe kuwo wonke umhlaba.

UBukumkani buza kuphelisa

Iintlungu, ukufa nokugula.

Bonke ububi buza kupheliswa,

Yonke indalo iza kuvuya.

Masithandaze ngombulelo sithi:

“Makadunyiswe uThixo wethu!”