INGOMA 111
Izizathu Zokuvuya Kwethu
-
1. Sinentabalala yovuyo,
Luninzi njengobutyebi.
Kuyasivuyis’ ukubona
Abanye bekhonza nathi.
Uvuyo lwethu olukhulu
Lusekelw’ eZibhalweni.
Sizifunda yonke imihla,
Ziqinis’ ukholo lwethu.
Uvuyo lwethu luyavutha
Njengamalahle omlilo.
Nangona kukho izilingo,
Sinyamezela sivuya.
(CHORUS)
Iyasivuyisa yonke
Imisebenzi kaThixo.
Ziphakamile iingcinga zakhe,
Makhulu amandla akhe!
-
2. Sivuyiswa yindalo yakhe,
Amazulu kwanomhlaba.
Imangalisa ngokwenene
Imisebenzi kaThixo.
Sazisa abantu sivuya
Ngethemba loBukumkani.
Sibazisa ngeentsikelelo
Eziya kuziswa bubo.
Buya kuzisela abantu
Uvuyo kwanemihlali.
Kuya kubakho amazulu
Kwakunye nomhlaba omtsha.
(CHORUS)
Iyasivuyisa yonke
Imisebenzi kaThixo.
Ziphakamile iingcinga zakhe,
Makhulu amandla akhe!
(Funda nezi: Dut. 16:15; Isa. 12:6; Yoh. 15:11.)
