Ngaba Umntu Uyakwazi Ukuyeka Ukuba LiNgqina LikaYehova?
Ewe. Umntu unokuyeka ukuba liNgqina ngezi ndlela zimbini:
Ngokucela ukuyeka. Umntu unokubhala okanye achaze ukuba wenze isigqibo sokuba akasafuni ukuba liNgqina likaYehova.
Ngezenzo. Umntu unokwenza into ebangela ukuba angabi yinxalenye yabazalwana bethu abasehlabathini lonke. (1 Petros 5:9) Ngokomzekelo, unokuhamba enye icawa aze ayenze icace into yokuba akazimiselanga ukuyiyeka.—1 Yohane 2:19.
Kuthekani ukuba umntu akasashumayeli okanye akasayi kwiintlanganiso zenu? Ngaba loo mntu nithi uyekile ukuba liNgqina?
Akunjalo. Ukuyeka ukuba liNgqina okanye ukuzahlula kwahlukile ekubeni buthathaka elukholweni. Ngokuqhelekileyo, abo baye batyhafa okanye bayeka ukunqula, abaphelelwanga lukholo kodwa badimazekile nje. Kunokuba sizahlule kwabo banjalo, sizama ukubathuthuzela nokubaxhasa. (1 Tesalonika 5:14; Yude 22) Ukuba umntu ufuna uncedo, abadala bebandla baye bakhokele ekumncedeni.—Galati 6:1; 1 Petros 5:1-3.
Sekunjalo, abadala abanalungelo lakunyazela umntu ukuba ahlale eliNgqina likaYehova. Umntu ngamnye uzenzela esakhe isigqibo ngendlela yokukhonza. (Yoshuwa 24:15) Sikholelwa ukuba abo bakhonza uThixo bamele bamkhonze ngokuzithandela ngokusuka entliziyweni.—INdumiso 110:3; Mateyu 22:37.
Mhlawumbi Ungayithanda Nale
Iintshayelelo Zentsimi
Ngoobani—AmaNgqina KaYehova?
Abantu abaninzi banomdla wokwazi ukuba ngoobani amaNgqina KaYehova. Yiva ngawo ukuba angoobani.
IMIBUZO ABANTU ABAQHELE UKUYIBUZA
Ngaba AmaNgqina KaYehova Ayabagxotha Abantu Ababekade Bekhonza Nawo?
Maxa wambi kuye kufuneke umntu asuswe ebandleni ibe loo nto inokumnceda abuyele.
IMIBUZO YEBHAYIBHILE IYAPHENDULWA
Ngaba Kunyanzelekile Ukuba Ube Nenkonzo?
Ngaba umntu uyakwazi ukunqula uThixo eyedwa?
IMIBUZO ABANTU ABAQHELE UKUYIBUZA
Ngaba Ndifanele Ndibe LiNgqina LikaYehova Xa Ndifunda IBhayibhile Kunye Nawo?
AmaNgqina KaYehova afunda iBhayibhile nezigidi zabantu ehlabathini lonke simahla. Kodwa ngaba ufanele ube liNgqina LikaYehova xa ufunda iBhayibhile kunye nathi?
INKCAZELO ENGAKUMBI NGATHI
Iintlanganiso Zebandla ZamaNgqina KaYehova
Khangela indawo esihlanganisana kuyo nendlela esinqula ngayo.