AmaNgqina kaYehova asithoba aseOstreliya awongwa kuxatyiswa ukuphatha kwawo kakuhle amabanjwa enye yeentolongo ezinkulu yeembacu eOstreliya. Ezi mbasa azifumana kwiNtolongo Yeembacu eyathiywa ngoJohn Curtin owayeyinkulumbuso kwelo, ekufutshane neDerby, kwiNtshona yeOstreliya. a

Veki nganye, amaNgqina ayetyelela la mabanjwa aze ancokole nawo, eshumayela kuwo ngamazwi athuthuzelayo nanik’ ithemba asuka eBhayibhileni. UChristopher Riddoch, ojongene nezentlalo nezonqulo kule ntolongo wathi: “Ikhawuleze yabonakala imiphumo yokutyelela kwamaNgqina.” Uthi yahlukile indlela amabanjwa azenza ngayo izinto ibe ayonwaba emva kotyelelo lwamaNgqina, nto leyo ebangela siwancome kuba “anomdla kwimpilo-ntle yabanye abantu.”

Kwakhona uMnu. Riddoch wathi la maNgqina aye awongwa ngaloo ndlela kuboniswa umbulelo “ngokuphucula kwawo ubomi bamabanjwa.” Wongezelela athi amaNgqina “alulutho kwiintsapho, emabandleni nakukholo lwawo.”