Kwikona engasekhohlo emazantsi, entla kwechibi iSterling Forest Lake (Blue Lake). Kwakhiwa umgangatho ongaphantsi wesakhiwo D. Ngasechibini, kwakhiwa iindonga zesakhiwo C.

Abasebenzi bakha igumbi langasese. Linodonga oluziintsimbi, udonga oluhonjisiweyo ngaphakathi, imibhobho yamanzi neyemibane, umbhobho ofaka umoya kunye nebhafu. Endaweni yokuba lakhiwe xa kusakhiwa indlu, kuza kufakwa eli gumbi langasese elisele lakhiwe.

Abasebenza ngemibhobho yamanzi bayasebenza kumgangatho ongaphantsi. Ebudeni balo msebenzi abasebenzi abamalunga nabayi-500 baza kutyela kweli candelo ibe kwamanye amacandelo kuza kuhlala abanye abantu abayi-300. Ngasekupheleni kwalo msebenzi, ezi ndawo zokutyela zokwexeshana ziza kususwa ibe esi sakhiwo siza kugqitywa size sibe yigaraji.

Kugalelwa umhlaba phezu kwendlu ukuze kutyalwe ingca. Le ngca etyalwa phezu kwendlu, iluncedo kwicala lemozulu, inciphisa izikhukula eziwa phezu kwendlu xa kunetha ibe ibamba nokungcola okuhla nemvula.

Le ndawo iza kuba zizakhiwo ezintathu ezidibeneyo ibe umgangatho wayo uza kuba zizikwemitha eziyi-42 000. Apha, iinkampani zangaphandle zifaka iintsimbi.

Abasebenzi bafaka itela eluphahleni. Bazibophelele ngamabhanti okubakhusela bangawi.

Kufakwa imibhobho ehambisa umoya. Amalunga neepesenti eziyi-35 amabhinqa angamaNgqina asebenza eWarwick.

Le ndawo, ekugcinwa kuyo izinto ekwakhiwa ngazo, yafunyanwa ngoFebruwari 2014. Izizikwemitha eziyi-20 000. Izinto ezimhlophe ezikwikona ephezulu engasekunene ziinxalenye zezindlu zangasese esele zakhiwe.

Le yikona engasekunene kwicala elingasemantla. Kwesi sakhiwo kuza kuhlala amalungu ekomkhulu amalunga nayi-200. Uninzi lwezindlu luza kuba phakathi kwezikwemitha eziyi-30 neziyi-55 ibe ziza kuba nekhitshi, igumbi langasese neveranda.

Kulungiswa isiza ukuze silungele ulwakhiwo. Ngasentla ekhohlo sibona umatshini wokutyumza amatye ibe izinto eziphuma apho ziphinda zisetyenziswe elwakhiweni. Xa lugqitywa ulwakhiwo, kuza kube sele kususwe umhlaba onokugcwala iilitha eziyi-260 000 000 kwisiza saseWarwick. Zimalunga ne-23 izigadla ezisetyenziswa yonk’ imihla.

Kutyalwa ingca eluphahleni.

Umfanekiso othathwe phezulu kwisilenge, kwicala elingasekunene kwesakhiwo seeofisi. Kwikona esekhohlo emazantsi yiNdawo Yokumisa Iimoto Zeendwendwe esele igqityiwe, esoloko igcwele ziimoto zabasebenzi. Amany’ amaNgqina aye ahamba iiyure eziyi-12 ukuze aye kuba ngamatsha-ntliziyo kangangeentsuku ezintathu okanye ezine.

IGaraji, esasebenza njengendawo yokutyela yokwexeshana, sele iza kugqitywa. IiTV (ezingekafakwa okwangoku) nezandisi-lizwi ziza kunceda abasebenzi ukuba bafumane itekisi yosuku nezinye iinkqubo kwiofisi yesebe yaseMerika.

Kugalelwa udaka kumgangatho wokuqala. Ngasekunene, umsebénzi ugangatha ngomatshini wokwenza udaka luzinze.

Imibhobho yombane sele iza kogqunywa.

Kugqityezelwa ukugangathwa kumgangatho wokuqala. Le yeyona ndawo esele igalelwe udaka oluninzi (udaka olunokwanela iilitha eziyi-540 000) kulwakhiwo lwaseWarwick. Olu daka belusenziwa ngoomatshini bokuxova udaka kwakwesi siza, luze luthuthwe ngezigadla ezisibhozo zokuxova kunye nemibhobho emibini, ibe luthathe iiyure ezintlanu ezinesiqingatha lugalelwa. Kumbindi wale foto, kukho isakhiwo esinezinyuko.

Kwakhiwa ungqameko lophahla. Pha ngasemva, kwakhiwa umgangatho wangaphantsi wesakhiwo A.

Indlu yangasese esele igqityiwe inyuswa ngesilenge ukuya kumgangatho wesithathu. Kulwakhiwo lwaseWarwick zisetyenziswa kakhulu iinxalenye esele zakhiwe, ukuze kungabi sisigxum-gxum esizeni futhi kugqitywe ngokukhawuleza.

Abakhi bagxumeka udonga olusele lwakhiwe oluziinxalenye. Olu donga ludayiwe, ngoko akukho mfuneko yokuba lupeyintwe ibe alisoloko lifuna ukulungiswa. Lugxunyekwa ngokukhawuleza, nto leyo eza kunceda ukuba ulwakhiwo lugqitywe ngexesha.

Kwikona engasekhohlo. Apha phantsi kule ndawo ingaphambili, kulungiselelwa ukwakha Isakhiwo D; pha ngasemva, isakhiwo C sele simisiwe.